Zyra e Komunikimit dhe Informimit funksionon si një pjesë e rëndësishme në strukturën organizative të Kryeministrisë. Puna e kësaj zyre ka për qëllim realizimin e njohjes së opinionit publik të brendshëm dhe të jashtëm me veprimtarinë e Qeverisë së Shqipërisë.
Objekti i punës së Zyrës është:
- Veprimtaria e përditshme e Këshillit të Ministrave
- Kryeministrit,
- Zv/kryeministrit,
- Ministrive, Institucioneve të tjera qëndrore, si dhe gjithë spektrit qeverisës.
Misioni i ketij organizmi është bërja sa më transparente e veprimtarisë së qeverisë tek publiku. Ky mision realizohet nëpërmjet:
- Informimit të publikut dhe medias mbi veprimtarinë e Këshillit të Ministrave.
- Informimit të Këshillit të Ministrave mbi gjykimin e opinionit publik dhe të mediave lidhur me qeverisjen e vendit.
- Koordinimit dhe realizimit të fushatave informative e publicitare të dikastereve dhe institucioneve qëndrore që bëjnë pjesë në strukturën qeveritare.
- Organizimin dhe bashkërendimin e punës së zëdhënësve të shtypit të ministrive, institucioneve qëndrore e prefekturave, për të siguruar një informim sa më të saktë e të shpejtë me destinacion Këshillin e Ministrave dhe opinionin publik për veprimtarinë e institucioneve qeveritare.
Koordinimi i punës së kësaj Zyre me drejtoritë e tjera në Aparatin e Këshillit të Ministrave është në funksion të një reflektimi sa më të lartë ndaj shqetësimeve të publikut.