Hukumat se vano ma se vajîme?

PKK çekan caverdo, kata sona şero!
Ma tedbîran ceme, xeletiya hukumatanê virenan nêkeme!
(Yanî vano, ma şîndoran sero dame ronêname û gerîllayan nêkiseme)
Ma “terorîstan” de qesey nêkeme!
Kamî ke virare fîşta “terorîstan” ra ma înan de qesey nêkeme!
Hatake koyan ra “terorîstî” bî, ma operasyonan nêvindarneme!
Dewlete çekan canêverdana!
Ma “teror” qedeneme!
BDP qolêde PKK ya, ma aye de qesey nêkeme!
Kam sono Îmrali nayerê ma qerar dame!
Peyniye de vatena xo kerde, heyetoke sono Îmrali more kerd. çike na heyet de ne hemserokê BDP, ne zî hemserokê KCD ca cenê.
Mordemê jê Ahmet Turk bîle qebul nêkerd, dîktatorê Anqara. Na zî niyetê hukumatê Anqara yê haştiye kena zelal. Hukumatê Anqara wayîrê niyetê xiravin yo. Eke niya nêbo, seweta haştiye mordem virare fîno jûvînî ra, o nêbeno, a nêbena nêvano.
Heya, hata na roze hukumatê AKP seweta haştiye û heqanê kurdan çiyode rind nêvato ke, mordem îman bikero. Hata na sate kes nêzoneno turîke tornunê Osmanî de çi esto, sene heqan danê kurdan?
Hama hometa Tirkiye teyna çek caverdayena PKK sero qesey kena. Teyarê dewleta terorîste, heremanê pawitena medya bomba kenê, hometa Tirkiye naye rê tewa nêvana.
Ha, hona vijer onca yemê Lîce de arteşa dewleta terorîste bombeyî vornayî gerîllayan ser, hometa Tirkiye nayerê zî bêveng mende. Teyna xortê kurdî şî verva operasyon vejayî û gonewerî texelnayî.
Pekî halke niyaro, ma se vavîjme?
Ma gune vajîme:
Hurd hetî gune adir bivindarnê!
Adir vindarnayena jû hetî nêbena!
Dewleta terorîste gune desinde operasyonan bivindarno!
Ma welatê xora qederî caye nêsome!
Kam ke şiyayene ra qesey keno, O gune şero Orta Asya!
Terorê dewlete gune biqediyo!
Eke qalê halkerdene beno, sene heqê kurdan yenê dayene gune homete rê eskera bê!
Seweta pêro tertelan dewleta terorîste gune lêborîna xo biwazo!