A FAMA do Arde Lucus cruzou o charco. A festa romana desembarcou en Estados Unidos. E fíxoo nun dos berces da sétima arte, Nova Iorque. Un documental sobre a pasada edición de xuño proxectouse na escola de cine máis prestixiosa da Gran Mazá, a New York Filme Academy, onde a matrícula dun curso custa 40.000 dólares, case 32.000 euros.

Os autores deste proxecto audiovisual son o lucense Brais Revaldería , o colombiano Andrés Lemonk e o taiwanés Ota Hsieh , que o rodaron no pasado mes de xuño como tese de fin de curso. Un tráiler dese traballo foi presentado na gala que acaba de celebrarse na academia neoiorquina, na que non faltou o photocall de rigor para darlle máis glamour ao acto (...)

Os escudos, as lanzas e as coroas de loureiro están xa gardados á espera do Arde Lucus 2013. A edición que onte terminou revalidou a condición de gran festa histórica do norte de Galicia desta de ambientación romana que se celebra na vella cidade amurallada. Nesta ocasión, segundo os cálculos municipais, houbo en total ao redor de 450.000 persoas, sumados os tres días de celebración da orixe romana de Lugo (...)

Unha marea de romanos e de celtas tomou onte as rúas de Lugo. A segunda xornada do Arde Lucus, primeira que coincidía plenamente co fin de semana, converteuse nunha aglomeración de miles e miles de persoas que gozaron a pleno sol das actividades e do ambiente. Dun lado a outro do recinto amurallado, as difentes recreacións permitían ver cuestións tan dispares como a vida cotiá nunha palloza ou a cuñaxe de moedas do Imperio (...)

Pesa unha tonelada e pode lanzar bólas de 28 quilos a máis de 500 metros

A Cohors III Lucensium propúxose potenciar a sección de artillería e logrouno con fartura. Este Arde Lucus contarán cunha das ballestas máis grandes do mundo, xusto á beira do Concello. Están a acabar de instalala e terá tamén un panel explicativo. Os creadores desta espectacular arma son Antonio Pereiras, un escultor de Ourense, e Juan García, un rotulista de Lugo. Ambos, apaixonados do mundo romano, inspiráronse nos textos de Vitruvio para ser o máis fieis posibles á historia (...)

Existe un pequena cidade no noroeste de España, que cada ano, para celebrar o solsticio de verán reúne a máis de 700.ooo romanos e celtas (castrexos, como os chamamos por aquí, castrexos ou habitantes dos castros) (...)

VIGO foi onte o escenario de presentación do Arde Lucus ao resto de Galicia. A edil Carmen Basadre lanzouse á conquista da comunidade autónoma para atraer visitantes á festa romana de Lugo e onte, xunto, a Xoan Vázquez Mao , secretario xeral do Eixo Atlántico, e de membros da Cohors III Lucensium foise á cidade olívica a presentar a festa. Hoxe continuará o seu periplo por Ferrol e Santiago (...)

A cidade ultima os preparativos do Arde Lucus. A dúas semanas da festa romana danse a coñecer detalles que poñen en evidencia a consolidación do evento. Un deles verá a luz o vindeiro sábado, xornada na que a Once dedicará un cupón ao festexo.

(...) Ademais Basadre presentou onte a moeda oficial da festa. En compañía dos membros da Cohors III Lucensium, Manuel Fernández Vilas, mostrou o sestercio de bronce da época do emperador Titus Aelius Adrianus Antoninus Pius, emperador de Roma entre os anos 138 e 161 logo de Cristo.

Escolleuse esta moeda por coincidir co período no que estivo asentada a Cohors III Lucensium en Lucus Augusti, asociación encargada de acuñala. Ademais, recorda a un dos emperadores máis democráticos da historia romana (...)

A festa de ambientación romana Arde Lucus (días 22, 23 e 24) está moi presente na vida consistorial lucense. Onte foron presentadas a moeda da festa deste ano, así como o cupón que lle dedica a ONCE (...)

En total, poranse á venda 5 millóns de cupóns para o sorteo do próximo día 16. Está ilustrado coa imaxe oficial do Arde Lucus, coa aguia sobre o lume, e co texto: «Arde Lucus. Lucus Augusti renacerá de novo». Nun lateral indícase que é unha festa de interese turístico nacional (...)

O Arde Lucus ofrecerá este ano a posibilidade de acuñar moedas romanas e levalas a casa a un prezo simbólico. A asociación Caetra Lucensium montará no campamento un posto onde se poderán fabricar caetras, moedas que se empregaban para pagar aos soldados romanos durante as guerras contra os cántabros e astures (entre os anos 25 e 23 antes de Cristo). «A xente poderá ver o metal en bruto, fundilo, preparar os moldes e, para rematar, acuñar a moeda e levala. O prezo aínda non está definido, pero será simbólico, para os gastos de material», explican desde a asociación (...)

Dous mozos crearon uns manteis para a hostalería lucense que lucirán durante a festa romana

A catorce días para que dea comezo o Arde Lucus, a cidade quenta motores para telo todo listo e devolver á cidade, durante uns días, aos tempos de castrexos e romanos. E cada vez son máis os que se implican nesta festa que cumpre este ano once edicións e que foi declarada Festa de Interese Turístico de Galicia. As ideas chegan a todos os recunchos, desde as vestimentas aos complementos ou a ambientación (...)

As imaxes do Arde Lucus 2012

Miles de persoas abarrotan o centro da cidade para gozar da festa romana

O Lugo romano volve arder Unhas 400.000 persoas pasarán entre hoxe e mañá polo Arde Lucus As manecillas do reloxo retrocederon onte 2.000 anos en Lugo para o comezo do Arde Lucus, que durante o fin de semana abarrotará a cidade amurallada con máis de 400.000 persoas chegadas desde toda Galicia, León e Asturias, segundo as estimacións do Concello. Once anos despois da súa creación, a festa de ambientación romana, que foi declarada de Interese Turístico Galego, está plenamente consolidada. Patricios, lexionarios, centuriones, escravos, gladiadores, romanos do montón e castrexos de todas as idades, e incluso algún Pedro Picapiedra infiltrado, botáronse pola tarde de onte ás rúas do centro histórico para vivir con ansia a primeira xornada do festexo, que se prolongará ata mañá pola noite (...)

NIN A PASARELA Cibeles nin os máis prestixiosos desfiles internacionais superarán en orixinalidade e estilo ás creacións presentadas onte no Desfile Moda Romana, que congregou a numerosos lucenses. De feito, o público que se deu cita na Praza de Santa María para presenciar os diferentes pases non dubidou en encomiar o traballo de deseñadores e perruqueiros, que puxeron todo do seu parte para que o próximo foro romano despunte tamén polo estilismo dos seus moradores.

Falta algo máis dunha semana para o inicio do Arde Lucus, pero xa hai ruído de espadas na cidade. A Cohors III Lucensium denunciou a seis ex membros da asociación por non devolver os traxes romanos e o xulgado aceptou a súa demanda (...)

A Cohors foi a primeira asociación de recreación histórica xurdida ao amparo do Arde Lucus e unha das máis visibles, debido ao fortín que instalan diante do Concello durante a festa e ás súas rechamantes armaduras. En 2010 o colectivo sufriu unha escisión. Nunha asemblea para nomear presidente, na que saíu elixido Manuel Fernández, 18 dos 38 asistentes votaron en contra e a división quedou patente. A maioría dos escindidos crearon outra asociación, Caetra Lucensium.

Unha trintena de homes traballa desde hai dous meses para ser senadores e ofrecer no Arde Lucus distintos espectáculos cheos de intrigas políticas

Dúas veces por semana, unha trintena de homes retrocede dous mil anos na historia e métese na pel dos políticos romanos. Son os representantes do Senatus Romanus, que este Arde Lucus trasladará por primeira vez a súa sede a Lugo, temporalmente, para ofrecer aos lucenses diferentes espectáculos cargados de humor, intrigas políticas e leccións de historia (...)

A cidade de Lugo volverá evocar o seu pasado romano coas máis de 150 actividades que figuran no programa oficial da festa Arde Lucus, declarada de interese turístico galego, que achegará á capital lucense entre os días 22 e 24 de xuño a miles de persoas.

O programa oficial da festa foi presentado este venres no salón de plenos do Concello de Lugo polo alcalde, José López Orozco; a concelleira de Benestar Social, Carmen Basadre, e a vicepresidenta da Deputación Lara Méndez.