Канал5 Телевизија

Увид на лице место денеска извршија од битолскиот Завод и Музеј евидентирајќи дека е направена огромна штета.

,, Најмалку педесетина икони недостасуваат. Иконите се од последната четвртина на 19 век. Поголемиот дел се дела на Јосиф Радев, ученик на Дичо Зограф, прославениот наш сликар од 19 век.-вели Ристо Палигора, историчар на уметност.

Крадците провалиле од задната страна на црквата каде скршиле прозорец, а потоа веројатно со метална шипка ги скршиле и алките на синџирот кој ја обезбедувал внатрешната врата.

,, Влегле внатре. Направено е од грпа најмалку од три лица зашто иконостасот е висок преку  5 метри. Некој требало да ги вади иконите, да ги спушта долу. Шест парчиња оставија дали немале време или биле пресечени во акцијата.,,- вели Горан Наумовски од Црковниот одбор.

Во селото има само десттина постојани жители кои велат дека не се чувствуваат безбедно. Покрај честите кражби во црквата разбојници влегувале и во приватни куќи.

Полицијата трага по крадците, а од битолскиот музеј нагласуваат дека располагаат со фотографии од сите икони кои треба да послужат истите да бидат побрзо најдени.

Инаку, црквата датира од 1871 година.