Leah is ‘plat op die aarde’
2014-03-08 23:24
- Artikelopsies
- Deel
- Kry Rapport op
Terwyl die Paralimpiese atleet Oscar Pistorius die afgelope week om sy vryheid geveg het in die hooggeregshof in Pretoria, het sy nuwe meisie, Leah Skye Malan, geleer om lewens te red.
Terwyl Samantha Taylor, Pistorius se eksmeisie, in trane getuig het hoe Pistorius haar met die beeldskone model Reeva Steenkamp verneuk het, het Malan in uniform klas gedraf op die Universiteit van Johannesburg (UJ) se Doornfontein-kampus, waar sy studeer om ’n paramedikus te word.
Hulle is nou net drie maande saam – net so lank soos Steenkamp en Pistorius uitgegaan het voordat Steenkamp verlede jaar geskiet is.
Anders as Steenkamp, wat ’n bekende model was, is Malan “net ’n doodgewone muurblommetjie wat nie van aandag en publisiteit hou nie”, sê ’n medestudent.
Dit het in die studentegemeenskap gegons oor die verhouding wat verlede week op die lappe gekom het nadat ’n medestudent ’n foto van haar aan ’n Britse poniekoerant verkoop het.
Toe Malan Donderdag hoor joernaliste soek na haar, het sy die kampus haastig verlaat.