Til løgtingsvalið 2011 bjóði eg meg fram sum valevnið fyri Tjóðveldi.
Tað er alneyðugt at fáa Tjóðveldi sterkt inn á ting, so vit kunnu koma burturúr tí vanlukkuligu støðu sum vit nu eru stødd í. Seinastu árini við ABC hava ikki givið batar til vanliga føroyingin, og halli í landskassanum er sum øllum kunnugt, stórt.
Tjóðveldi ferð til val við eini valskrá sum hevur í hyggju at betra um livikor føroyinga, somuleiðis sum vit ynskja at ráða í egnum landið.
Valskráin sæst á www.tjodveldi .fo.
Umframt at eg taki undir við stevnuskrá floksins, og valskránni, so havi eg nøkur hjartamál og nakrar hugsjónir sum eg brenni fyri.
Míni hjartamál eru millum annað
Tað skal vera liviligt allastaðni í Føroyum, góð samferðsla er ein av grundarsteinunum undir hesum
Føroyska familjan skal hava betri livikor, kostnaðarstøðið er ov høgt og familjur eru í fátakraváða
Barnsburðarfarloyvi eigur at vera longt, og málið eigur at vera eitt ár
Almenna umsitingin eigur at vera endurskoða, og laga til føroysk viðurskifti so vit fáa føroyskar loysnir
Mannarættindi og barnarættindi skulu vera vird, og førd út í lívið
Fólkaskúlin og serøkið skal styrkjast so børnini fáa tað hjálp teimum tørvar
Eldrapolitikkur má orðast við støði í røktarheimsfyribyrging, heldur enn bara stóvnsbygging
Skattaskipanin skal vera samhaldsføst. Finnast má ein leistur har øll eru við til at gjalda
Partafelagslógin eigur at vera endurskoða
Vinnan skal hava karmar at virka undir um allar Føroya
Heilsuverkið eigur ikki at vera centralisera, men skal samstarva fyri at betra um tænastuna og raksturin
Kommunal útjavnan er ein fortreyt fyri at økir vera løgd út til kommununar at umsita
Fólkaræðisligar tilgongdir eru neyðugar í øllum lutum
Orku og umhvørvismál eiga at vera raðfest so vit m.a ikki eru so tengd at dyru oljuni
Fari at heita á teg um at stuðla mær so eg kann arbeiða víðari við hesum ætlanum, og arbeiða móti einum frælsum samhaldsføstum samfelag, har tað skal vera gott hjá okkum øllum at búgva.
Sirið Stenberg, valevnið fyri Tjóðveldi
Navn:
Sirið Stenberg
Føðingardagur:
26.05.68
Bústaður:
Skálavegur 3, 900 Vágur
Maki:
Jón Pauli Olsen
Børn:
Tòra 15 ár, Fríði 13 ár, Ásgerð 5 ár
Foreldur:
Ásgerð og Flemming Stenberg
Útbúgving:
Sjúkrarøktarfrøðingur 1994 á Bispebjerg Hospital.
Neonatalur sjúkrarøktarfrøðingur 1998 á Hvidovre Hospital.
Heilsufrøðingur 2001 á Danmarks Sygeplejerskehøjskole.
Altjóða ráðgevi í bróstageving IBCLC 2005.
varalimur í høvuðsbarnaverndini 2006-2009
Størv:
Virkandi leiðari á Heilsuskúla Føroya frá nov. 2007.
Heilsufrøðingur í Suðuroynni frá 2001.
Heimasjúkrarøktarfrøðingur frá 1999 - 2002.
Sjúkrarøktarfrøðingur á Hvidovre Hospital.
Harumframt undirvísari á ymiskum deildum, og skeiðshaldari, serliga við atliti til børn, barnakonur og eldraøkið.
Varalimur í Høvuðsbarnaverndini fyri Føroyar frá 2006.
Áhugamál:
Virkin í kórarbeiði í Kirkjukórinum Ljómi.
Samfelagsviðurskifti, serliga á barna og familjuøkinum, útbúgvingar og mentanarøkið.
Politikkur :
uppstilla til løgtingsvalið í 2007. Uppstilla og vald í Vàgs Býráð í 2009. Forkvinna í sosialu nevnd. Limur í mentanarnevndini. Somuleiðis limur í umhvørvisbólkinum hjá Vàgs Kommunu. Nú uppstilla til fólkatingavalið 2011-09-09
