Kulturprisen 2014
Førde formannskap vedtok 4. desember 2014 at kulturprisen går til Thea Hjelmeland. Grunngjevinga for valet er m.a. at ho har utvikla seg til å bli ein særs spennande og kreativ artist.
Thea Hjelmeland
Thea Hjelmeland har utvikla ei heilt eigen "stemme" og stil tufta på utforskande vokalharmoniar, gjennomarbeidde tekstar, og nyskapande arrangement.
Artisten har vunne Eggstockfestivalen i Bergen, ho har varma opp for Sondre Lerche, spelt med Majorstuen og gjort duett med Lars Vaular.
Den siste plata, Solar Plexus, har fått særs gode kritikkar og musikken hennar vert omtala som «…uhyre kompetent sjangerblanding av verdensmusikk («Caravan Of Illusions»), elektronika og visepop».
Kulturprisen i Førde kommune
Kulturprisen har vore delt ut sidan 1988 og har synt seg å vere ein viktig pris og ein stimulans for kulturlivet i Førde. I statuttane heiter det at prisen skal vere ein stimulans til kulturlivet i kommunen og vert utdelt for særleg innsats innanfor kulturlivet.
Kulturprisen kan gå til einskildpersonar, grupper eller organisasjonar som over tid har gjort ein innsats utanom det vanlege. Prisen kan òg delast på fleire kandidatar. Prisen er på kr 25 000 og vert delt ut kvart år i samband med bystyret sitt desembermøte.
Thea Hjelmeland vil få utdelt prisen i bystyremøte 11. desember.
Kulturprisen
|
Mottakarar av kulturprisen frå 1988
|
Kulturprisen
Namn | Årstal |
Agnes og Erik Bjørbæk(Sunnfjord Kunstlag) | 1988 |
Førde Skulemusikkorps | 1989 |
Oddvar Torsheim | 1990 |
Martinius Grov | 1991 |
Deciding | 1992 |
Førde Kammerkor | 1993 |
Førde idrettslag | 1994 |
Johan Rørvik | 1995 |
Førde ungdomslag | 1996 |
Rannveig Tveit Kirkebø | 1997 |
Førde Internasjonale Folkemusikkfestival | 1998 |
Terje Ness | 1999 |
Jorunn Reina | 2000 |
Sunnfjord Museum | 2001 |
Klaus Undeland | 2002 |
Førderevyen | 2003 |
Ove Henning Solheim (Skrivarløa) | 2004 |
Olaug Nilssen | 2005 |
Bymarkas Venner | 2006 |
Førde Volleyballklubb | 2007 |
Arle Hjelmeland | 2008 |
Førde IL fotball | 2009 |
Slåtten skulemusikk | 2010 |
Langeland ski- og fritidssenter | 2011 |
Hans Sande | 2012 |
Gro og Arvid Anthun | 2013 |