Dollar

D'Dollar-Zeechen

Dollar ass den Numm vu verschiddene Währungen, wouvun déi bekanntst den US-Dollar ass.

D'Wuert kënnt hier vum Daler, dee sengersäits eng Ofkierzung fir Joachimsthaler ass. Dëst war de Spëtznumm vum Guldengroschen, deen zu Joachimsthal, dem haitege Jáchymov, geklappt gouf.

Den Numm Dolaro oder Dolares ass fir d'éischt ënner dem Keeser Karel V. opgetaucht, eng spuenesch Form vum hollänneschen Daalder.

Offiziell Dolaros gouf et zanter 1575 a Potosi, dem haitege Bolivien. Well s'och an Nordamerika am Ëmlaf waren, gouf den Numm an de britesche Kolonien e Begrëff.

Éischt Dollars gëtt et offiziell 1600, déi op Uerder vun der Kinningin Elisabeth I. geklappt, an iwwer déi britesch East India Company verbreet goufen.

Den 2. Abrëll 1792 gouf duerch d'Amerikanescht Währungsgesetz, dem coinage act de „spueneschen Dollar oder Peso“ mat engem Sëlwergewiicht vun 371,25 grains (ëmgerechent 24,056 g) zu der Haaptwährungsunitéit an den USA.

Zanterhier gouf den Numm och fir eng ganz Rëtsch aner Währunge gebraucht.

§Dollar-Währungen

Australeschen Dollar Bahama-Dollar Barbados-Dollar Belize-Dollar Bermuda-Dollar Brunei-Dollar Fidschi-Dollar Guyana-Dollar

Hongkong-Dollar Internationalen Dollar Jamaika-Dollar Kaiman-Dollar Kanadeschen Dollar Liberianeschen Dollar Namibia-Dollar Neiséiland-Dollar

Ostkaribeschen Dollar Salomonen-Dollar Simbabwe-Dollar Singapur-Dollar Suriname-Dollar Taiwan-Dollar Trinidad-an-Tobago-Dollar US-Dollar

§Literatur

• Anton Zischka: Der Dollar - Glanz und Elend einer Währung. München: Wirtschaftsverlag Langen-Müller/Herbig, 1986
• Heinz Fengler und Autoren: Transpress Lexikon Numismatik. Berlin: Transpress Verlag für Verkehrswesen, 1988

§Kuckt och

• Eurodollar
• Jacques Dollar

§Um Spaweck

Commons: Dollar – Biller, Videoen oder Audiodateien