陳振興(山地興)
年齡:33歲
身高:1.69米
體重:63公斤
投身全職運動員年份:2002年

孤獨戰士 山地車神陳振興

「每位運動員都值得尊敬。」呢句說話言詞雖輕,但裏面含金量十足。試想像,每次站喺頒獎台上就係得3個,但台下面得唔到獎嘅有千千萬萬。當你一生人都向住1個目標進發,但個目標係你一世都追唔到嘅時候,呢個往往就係99%運動員要面對嘅宿命。所以做得運動員,除咗要勇於面對失敗之外,重要保持嗰份鬥心。

剛奪得亞運山地賽銀牌回歸嘅山地界車神陳振興,人稱山地興,於2002年正式轉為香港全職單車運動員。雖然12年間香港單車界日益成長,不過喺整個香港山車界留得低嘅,只有佢1位選手;咁多年嚟,佢超過半數時間獨自逗留雲南高原訓練。呢位連港隊著名教練沈金康都稱佢為「孤獨戰士」嘅車手,究竟十多年嚟山車生涯係點?今次由佢娓娓道來。

text-England  photo-Pakco、分由被訪者提供

 陳振興(山地興) 年齡:33歲 身高:1.69米 體重:63公斤 投身全職運動員年份:2002年


陳振興(山地興)
年齡:33歲
身高:1.69米
體重:63公斤
投身全職運動員年份:2002年

2014年 亞運會山地車越野賽銀牌 2012年 倫敦奧運會山地越野賽第38位 2010年 亞運會山地車越野賽金牌 2009年 全運會山地車越野賽銀牌 2009年 亞洲山地車錦標賽銀牌 2008年 亞洲山地車錦標賽銅牌 2007年 亞洲山地車錦標賽銅牌 2007年 亞洲賽(個人公路賽)銅牌 2006年 亞洲山地車錦標賽銀牌 2005年 全國冠軍賽(個人公路賽)金牌 2003年 全國山地車越野賽金牌

2014年 亞運會山地車越野賽銀牌
2012年 倫敦奧運會山地越野賽第38位
2010年 亞運會山地車越野賽金牌
2009年 全運會山地車越野賽銀牌
2009年 亞洲山地車錦標賽銀牌
2008年 亞洲山地車錦標賽銅牌
2007年 亞洲山地車錦標賽銅牌
2007年 亞洲賽(個人公路賽)銅牌
2006年 亞洲山地車錦標賽銀牌
2005年 全國冠軍賽(個人公路賽)金牌
2003年 全國山地車越野賽金牌

近年轉踩27.5er後,山地興就選踩呢部SCOTT Scale 700 RC,佢覺得呢個車架角度特別適合自己身形。

近年轉踩27.5er後,山地興就選踩呢部SCOTT Scale 700 RC,佢覺得呢個車架角度特別適合自己身形。

M:《新Monday》 H:陳振興

M:沈金康形容你為孤獨戰士,究竟你嘅訓練過程係點孤獨法?

H:因為香港單車隊裏面隸屬山地車(MTB)隊就只有我1人,而我1年有一半以上時間獨自留喺雲南及昆明高原踩山練習,所以我每日都只係同沈教練互通電郵講解進度。另一方面,由於踩山唔同室內場地賽,考嘅係長時間體能及各地形嘅臨場反應,即使教練團親自在場指導,佢企喺山邊監督,作用其實不大。所以我長年喺冇人企喺側邊督促自己嘅情況下練習,無論踩快放慢都係得自己1個,呢種孤寂係最難受。

M:咁你平日針對山地有咩訓練方法?

H:山地由於地形千變萬化,喺平日嘅訓練課就會針對某種地形作訓練。至於比賽嘅話,教練就會同我一齊研究比賽規則,同埋分析主要對手強弱,之後再制定訓練計劃,呢方面沈教練嘅指導真係幫到我好多。

M:點解要去到雲南練習?

H:由於雲南同昆明嘅高原練習帶氧運動會令自己體能有所提升,加上當地嘅山地大部分都冇規劃,你想踩就可以去踩,閒閒哋都一千幾百座山可以踩,香港合法可以踩嘅山少之又少,更遑論要同外國比較。

M:咁係咪代表香港山車路段唔足夠?

H:山地車練習嘅路段又同行山人士嘅路線重疊,就算政府陸續開放田夫仔、河貝路段都好,雖然叫改善咗,但香港合法嘅山車練習場都係嚴重不足。

M:咁喺香港想培養山車青訓嘅話,係咪好有難度?

H:香港體院負責管轄Road Bike,即公路車及場地單車,由於體院擁有較豐富資源,佢哋由設備去到訓練課程都比較完善。相反,香港山地車就由香港單車聯會管轄,由於聯會資源貧乏,想練山車,就連基本訓練設施都不足,而作為平常學生嘅話,每日放學去沙田、將軍澳等地方練習公路車,地點位置都尚算合理。相反,一般學生要喺放學後抽時間去偏遠地區練習山車,其實都有難度。不過踩公路車同踩山車都有相類似訓練,只要香港政府肯放多啲資源落山車培訓方面,香港絕對能夠培養到更出色嘅山車手。

M:今次亞運越野賽有冇咩特別戰術?

H:亞運會雖批准每個單位能有兩位單車手出賽,但咁多年嚟一直獨力出戰嘅我,都唔會考慮啲阻擋夾擊戰術。另外,由於越野賽路窄又極之考驗體能,所以一起步就要全力加速,絕不留力。今次仁川比賽喺出戰前目標就鎖定第3、4位置,之後再喺尾段加速搶上去。但比賽嘅實際情況千變萬化,最後被全國山車賽經常碰到嘅老對手王禎贏出,哈哈,雖敗猶榮啦!

M:近年29er、27.5er新尺寸山車湧入,你覺得呢類變化同比賽成績係咪直接掛鈎呢?

H:其實自2012年倫敦奧運極多大石路開始,去到之後UCi World Cup,會方都將山車路線難度再度升級。而由於路線愈來愈難又爛,你用29er山車落石過根都確實有一定幫助。不過相對亞洲人嘅身形,29er上斜時反而會大大輸蝕,所以我而家都係踩27.5er,一來車架尺寸適合番自己身形,二來亞洲山路難度偏低,唔需要29er都可應付。

M:咁單餅變速技術又有大影響嗎?

H:換上單餅後,可減去前波撥、波手、1-2塊齒片,前前後後加埋成0.5kg,對1架約9kg嘅頂級山車嚟講,可以偷走0.5kg,其實真係有一定優勢。加上單車行單餅可減低甩鏈,又可提高其他parts穩定,相比單車尺寸,SRAM單車變速技術對比賽影響就更加直接。

M:得悉你今年3月新婚,對1個長年離港嘅運動員,呢個新身分你又點去適應?

H:好好彩咁多年嚟都得我老婆(電視台新聞主播梁倩影)嘅體諒,佢係前港甲女籃球員,同樣曾為運動員嘅佢更加會諒解運動員嘅辛酸。我每次返港都盡量抽時間陪老婆同屋企人,對於呢個生活節奏,大家其實已培養出一定嘅默契。

M:身為1個單車運動員,喺練習以外平日又有咩興趣活動?

H:我由初中已經開始踩單車,我咁多年嚟認識嘅朋友都係喺單車上面識,所以我返到香港,都係朋友帶住去踩下香港啲新開發路線,然後再飯聚一下。不過其實我甚少長留香港,今次亞運後我留喺香港1個星期已經相當難得。

今屆仁川亞運中國選手王禎以1小時42分34秒奪冠,陳振興及日本車手山本杏平分別落後53秒及1分38秒獲得銀及銅牌。

今屆仁川亞運中國選手王禎以1小時42分34秒奪冠,陳振興及日本車手山本杏平分別落後53秒及1分38秒獲得銀及銅牌。

出名係嚴師嘅著名教練沈金康(右),由黃金寶起到李慧詩,都係佢手教鞭下培訓出嚟。

出名係嚴師嘅著名教練沈金康(右),由黃金寶起到李慧詩,都係佢手教鞭下培訓出嚟。

相比公路賽對速度純粹嘅追求,山地賽嘅靈活多變令陳振興着迷至今。

相比公路賽對速度純粹嘅追求,山地賽嘅靈活多變令陳振興着迷至今。

 


Tagged: , ,


BACK TO TOP ▲