尚未發出4月份薪金嘅亞視,今日喺西九龍中心宣佈將《我愛下午茶》轉作新節目《天南地北》,並於周一至五晚間7點半播出。
主持袁潔儀喺活動現場,向高層送上黃金糕,寓意亞視尋得更多新資金,佢受訪時表示:「點講呢,唉…都唔知點講好,係擔心亞視員工,堅持咁耐,冇理由做義工0架,希望新節目發放多啲正能量,感染大家繼續努力。」
問到是否因劇集版權都已售出,故要將節目調往黃金時段時,佢話:「可以咁意會,不過我唔係咁睇,因為好少節目可以自己維持到,0依家只要觀眾睇到,知道唔係重播已經好開心,其實我哋好多環節老、中、青都啱睇。」潔儀姐姐又指唔相信亞視將於5月29日台慶後就結業。
而亞視公關部發言人則指,新節目將每晚播出,隔日於原《下午茶》時段重播。另外亞視4月份薪金,則因為本應到帳資金未到,所以未發出,公司希望能於限期前支付。
2015年04月29日
【謝拉特告別英超輸1:6】now評述員余溢明爆粗:做乜X!