Sjiwa
| Sjiwa (Śiva) | |
|---|---|
 Standbeeld van Sjiwa in Bangalore wat hom uitbeeld tydens meditasie |
|
| God van vernietiging | |
| Devanagari: | शिव |
| Affiliasie: | Trimoerti |
| Abode: | Kailashberg Kailāsa[1] |
| Mantra: | Aum Namah Sivaya |
| Wapen: | (Trisjoela (Sanskrit: त्रिशूल), Drietandvurk |
| Metgesel: | Parwati of Sati of Sjakti of Doerga en Ganga |
| Rydier: | Nandi (bul) |
Sjiwa (uitspraak: [ʃɪ.ʋə]; Sanskrit: शिव, Śiva, letterlik "Die gunstige" ) of Siwa is 'n belangrike Hindoegod en een aspek van Trimoerti. In die Sjaiwa-tradisie van Hindoeïsme word Sjiwa as die oppergod gesien. In die Smarta-tradisie is hy een van die vyf primêre vorme van God.[2][3]
Hindoevolgelinge wat hulle aanbidding op Sjiwa toespits staan bekend as Sjiwaïete (Sanskrit Śaiva).[4] Sjiwaïsme, tesame met Vaiṣṇava-tradisies wat op Wisjnoe fokus en Śākta-tradisies wat op die godin Devī fokus is die drie mees invloedryke denominasies in Hindoeïsme.[3]
Sjiwa word normaalweg in die vorm van Sjiwa linga aanbid. In beelde word hy gewoonlik uitgebeeld in diepe meditasie óf terwyl hy die vurige Tandawa-dans uitvoer op Maja, die demoon van waan of onkunde, in sy manifestasie van Nataraja, die heer van die dans.
In sommige ander Hindoedenominasies verteenwoordig Brahma, Wisjnoe en Sjiwa die drie primere aspekte van die goddelike en staan hulle gesamentlik as Trimurti of "drie-eenheid" bekend. In hierdie geestelike leerskool is Brahma die skepper, Wisjnoe die instandhouer of behoeder en Sjiwa die vernietiger of vervormer.[5]
Verwysings[wysig | wysig bron]
- ↑ Vir die naam Kailāsagirivāsī (Sanskrit कैलासिगिरवासी), "Met sy verblyf op Kailāsa-berg", as 'n naam wat in die Sjiwa Sahasranama verskyn kyk: Sharma 1996, p. 281.
- ↑ http://www.himalayanacademy.com/resources/books/dws/dws_mandala-02.html
- ↑ 3,0 3,1 Flood (1996), p. 17.
- ↑ Tattwananda, p. 45.
- ↑ Zimmer (1972) p. 124.
 |
Hierdie artikel omtrent 'n Hindoeïstiese onderwerp is slegs 'n saadjie en bied tans nog nie ensiklopediese dekking van die betrokke onderwerp nie. Jy kan Wikipedia help deur dit uit te brei. |
