- ԹԱՏԵՐԱՐՎԵՍՏ - ԿԻՆՈԱՐՎԵՍՏ
- ԵՐԳԱՐՎԵՍՏ - ԵՐԱԺՇՏՈՒԹՅՈՒՆ
- ԳՐԱԿԱՆՈՒԹՅՈՒՆ
- ԳԵՂԱՐՎԵՍՏ - ՃԱՐՏԱՐԱՊԵՏՈՒԹՅՈՒՆ
- ՊԱՐԱՐՎԵՍՏ
- ՀԵՌՈՒՍՏԱՏԵՍՈՒԹՅՈՒՆ
- ԺՈՂՈՎՐԴԱԿԱՆ ԿՈՉՈՒՄՈՎ
- ՎԱՍՏԱԿԱՎՈՐ ԿՈՉՈՒՄՈՎ
- ԱՐՎ. ՎԱՍՏ. ԳՈՐԾԻՉՆԵՐ
- ՄՇԱԿ. ՎԱՍՏ. ԳՈՐԾԻՉՆԵՐ
- ԿՈՄԻՏԱՍԻ ԱՆՎ. ՊԱՆԹԵՈՆ
Հռիփսիմե Մելիքյան
Դերասանուհի
Թեոդիկ
Գրող, բանասեր
Արշալույս Տեր-Հովնանյան
Բանաստեղծ, արձակագիր, թարգմանիչ
Հայկ Աքթերյան
Բեմադրիչ, թատերագետ, թարգմանիչ
Գևորգ Աճեմյան
Ջութակահար
Մարտին Թովմասյան
Ճարտարապետ
Հենրիկ Իգիթյան
Արվեստաբան
Լիլիթ Արզումանյան
Գրականագետ, արձակագիր
Վազգեն Սարգսյան
Քաղաքական, ռազմական գործիչ, արձակագիր
Սիմոն Աբգարյան
Դերասան
Գրիշա Աղախանյան
Հաղորդավար, երգիչ
Արեգ Պետրոսյան
Քանդակագործ
Անահիտ Գաբրիելյան
Դերասանուհի
Գրէգ Ամատունի
Դերասան
ԱՐՏԵՄ ՄԵՋԻՆՅԱՆ
Քամանչահար29 նոյեմբեր, 1913 - 8 նոյեմբեր, 1998
Ծնվել է Նոյեմբերյանի շրջանի Կոթի գյուղում: 1932թ. ավարտել է տեղի միջնակարգ դպրոցը և ընդունվել Իջևանի գյուղ-տեխնիկում, որն ավարտել է 1935թ.: Իջևանում ուսանելու տարիներին, որպես քյամանի նվագող, ելույթներ է ունեցել տեղի ռադիոհանգույցում: 1934թ. Թբիլիսիում մասնակցել է Անդրկովկասյան ժողովրդական գործիքների օլիմպիադային, նվագել «Էշխեմեդ», «Լոռվա հովվականը» երաժշտական համարները: Վերջինս դուր է եկել ժյուրիի նախագահ, կոմպոզիտոր Ռոմանոս Մելիքյանին: 1935թ. տեղափոխվել է Երևան և ընդունվել երաժշտական ուսումնարանի ջութակի բաժին: Նույն թվականին որպես քյամանչահար և շվի նվագող ընդունվել է ֆիլհարմոնիայի ժողովրդական գործիքների նվագախումբ: 1941թ. ավարտել է Ռ.Մելիքյանի անվան երաժշտական ուսումնարանը: 1939թ. մասնակցել է Երևանում տեղի ունեցած ժողովրդական գործիքների մրցույթին: Նույն թվականին նվագախմբի հետ մասնակցել է Մոսկվայում կայացած հայկական արվեստի և գրականության տասնամյակին` արժանանալով մեդալի: 1946թ. ընդունվել է Հայաստանի ռադիոյի ժողովրդական գործիքների համույթ` որպես կոնցերտմեյստեր և մենակատար: Աշխատանքին զուգահեռ դասավանդել է Ռ.Մելիքյանի անվան երաժշտական ուսումնարանում: 1956թ. կրկին մասնակցել է Մոսկվայի հայկական արվեստի և գրականության տասնօրյակին: Պարգևատրվել է «Պատվո նշան» շքանշանով: Համերգներով հանդես է եկել Շարա Տալյանի, Շողիկ Մկրտչյանի, Արաքսի Գյուլզադյանի, Վաղարշակ Սահակյանի և այլ կատարողների հետ: Գրել է նաև երգեր հայ գրողների խոսքերի հիման վրա` «Երգ-պար», «Արփենիկ», «Գայանե» պարերը: 1961թ. արժանացել է Հայաստանի վաստակավոր, 1986թ.՝ ժողովրդական արտիստի կոչման: Մահացել է Երևանում: