Nyborg vart valt til fylkesordførar med 32 røyster. Forslaget om Selsvold Nyborg som fylkesordførar vart sett fram av Terje Søviknes (Frp) på vegner av Fremskrittspartiet, Høgre, Kristeleg folkeparti og Pensjonistpartiert. Arbeiderpartiet føreslo attval på Gisle Handeland (Ap). Han fekk 17 røyster. Sosialistisk Venstreparti føreslo Torill Otterskred som fylkesordførar. Ho fekk 6 røyster. To røyster var blanke.
Første kvinne
Torill Selsvold Nyborg er den første kvinna som er valt til fylkesordførar i Hordaland, og ho er også den første fylkesordføraren til Kristeleg folkeparti her i fylket.
Selsvold Nyborg (f. 1951) går inn i den tredje perioden sin i Hordaland fylkesting. I perioden 1995-99 var ho leiar i komiteen for kultur og helse og i perioden 1999-2003 har ho vore medlem i fylkesutvalet og i åra 2001-2003 var ho fylkesvaraordførar.
Selsvold Nyborg er fødd i Ålvik og er no busett på Straume i Fjell.
Fylkesvaraordførar
Tom-Christer Nilsen vart valt til fylkesvaraordførar med 32 røyster etter forslag frå Terje Søviknes (Frp) på vegner av Fremskrittspartiet, Høgre, Kristeleg folkeparti og Pensjonistpartiert. Arbeiderpartiet føreslo Joril Christensen (Ap) som fylkesvaraordførar – ho fekk 17 røyster. Sosialistisk venstreparti føreslo Bjørn Lothe (SV) som fylkesvaraordførar – han fekk seks røyster. To røyster var blanke.
Den nyvalde fylkesvaraordføraren, Tom-Christer Nilsen (H), går også inn i sin tredje periode i fylkestinget. Han er busett på Askøy og er rådgjevar i Avinor. Nilsen (f. 1969?) var i perioden 1995-99 medlem i komiteen for næring og utdanning i perioden 1999-2993 har han vore medlem i fylkesutvalet og gruppeleiar for Høgre i fylkestinget sidan hausten 2001.
Fylkesutvalet
Medlemer og varamedlemer i fylkesutvalet i perioden 2003-07:
Arbeiderpartiet:
Medlemer: Gisle Handeland, Joril Christensen, Hans Otto Robberstad.
Varamedlem: Bente Krokeide, Sigmund Olsnes, Torill Vebenstad, Hans Erik Ringkjøb, Trond Hjelmeland.
Fellesliste Sosialistisk Venstreparti og Raud Valallianse:
Medlemer: Torill Otterskred (SV), Bjørn Lothe (SV).
Varamedlemer: Mette Holmefjord Olsen (SV), Sunniva C. Schulze-Florey (RV), Jorge del Pino Morales (SV), Torstein Dahle (RV).
Senterpartiet:
Medlem: Magnar Lussand. Varamedlemer: Bente Bondhus, Annbjørg R. Hjellestad, Jakob Bjelland.
Venstre:
Medlem: Harald Hove. Varamedlem: Ingebjørg Winjum.
Fremskrittspartiet:
Medlemer: Terje Søviknes, Jan Koløy og Monica Nilsen.
Varamedlemer: Roald Steinseide, Stig Høgholm, Helge Andre Njåstad, Ottar Tangen, Anne Grethe Hauan.
Desse er valde på felles liste mellom Høgre, Kristeleg folkeparti og Pensjonistpartiet:
Medlemer: Tom-Christer Nilsen (H), Kjellaug Holm (H), Jannicke Haugan Larsen (H), Torill Selsvold Nyborg (Krf), Pål Kårbø (Krf).
Varamedlemer: Stein Inge Ryssdal (H), Berit W. Eldøy (H), Oddvar J. Jensen (Krf), Turid S. Aase (Pensj.), Lars Inge Bremnes (H), Grethe Lunde (Krf), Bente Håtuft (H).
Stanley Hauge