АСТАНА. ҚазАқпарат - С.Асфендияров атындағы Қазақ ұлттық медициналық университетінің ректоры Айқан Ақанов өз еркімен қызметінен кететіндігін мәлімдеді.
Оның үндеуі аталған білім ордасының ресми сайтында жарияланды.
«С.Асфендияров атындағы Қазақ ұлттық медициналық университетінің оқытушылары, қызметкерлері мен студенттері! Мен өтініш жаздым және зейнет жасына жетуіме байланысты өз еркіммен қызметімнен кетемін. Жасым 65-ке тақады және 2 жыл бойы зейнетақы алып келемін. Біздің Президентіміз Нұрсұлтан Әбішұлы Назарбаев өте дұрыс айтады: Зейнеткерлер осынау қиын-қыстау кезеңде жас қуатты басшыларға орын босату тиіс. Мемлекет басшысының қолдауы және оның тапсырмаларын орындау үшін мен 8 жыл бойы біздің университетімізге басшылық жасадым. Университет осы аралықта мүлдем өзгерді», - делінген Айқан Ақановтың үндеуінде.
Сонымен қатар ол бюджет қызметтерін әртараптандырудың нәтижесінде мемлекет тарабынан бөлінетін қаржы 3,2 млрд. теңгеден 13 млрд. теңгеге дейін өскенін, студенттер саны 10 мыңнан асқанын, білікті педагогтардың 1,7 мыңға жеткенін атап өткен.
«Соңғы 5 жылда 4651 маман бітіріп шықты. Түлектердің 92 пайызы жұмысқа орналасты. Шынайы түрде үш тілде оқыту енгізілді. Ағылшын тілінде студенттердің 10 пайыздан астамы, оның ішінде бірінші курс студенттерінің үштен бірі білім алуда», -дейді университет ректоры.
АҚТАУ. ҚазАқпарат - Экологиялық жоба - «Каспий табиғатын бірге сақтайық!» байқауының ұйымдастырушылары балаларға ерекше сый дайындады. Биылғы байқау жеңімпаздары «Қазақстандағы биоалуандықты сақтау қауымдастығы» республикалық қоғамдық бірлестігіне мүшелікке қабылданды.
АСТАНА. ҚазАқпарат - ҚазАқпарат оқырмандарына 2016 жылғы 13 тамызға арналған күнтізбесін ұсынады. 13 тамыз, СЕНБІ
Пікір қалдыру