अन्वेषाचे मराठीत पदार्पण...
एस.व्ही.पी एंटरप्राईजेस तर्फे निर्मिती होत असलेल्या या गाण्याला संगीतकार प्रसाद फाटक यांनी संगीत दिले असून, याआधी त्यांनी संगीतबद्ध केलेल्या "द्रौपदी से दामिनी" तसेच ऍसिड हल्ल्यास बळी पडलेल्या स्त्रीची व्यथा सांगणारे "कुछ कांच के ख्वाब" या गाण्याला अनेक नामवंतांनी गौरवले आहे.
"तुझ्या विना" हे एक रोमांटिक गाणे असून पूनम घाडगे, चेतन मोहुतरे यांच्यावर हे चित्रित करण्यात आले आहे. या गाण्याचे छायाचित्रण जीवन मराठे यांनी केले आहे. हे एक विरहगीत असून लवकरच ते रसिकांना पाहायला मिळेल. या गाण्याच्या निर्मितीच्या प्रवासाबद्दल बोलताना प्रसाद फाटक म्हणाले, लहानपणापासूनच मला संगीताची आवड होती. सुरवातीला काही गाण्यांना चाली दिल्या आणि त्या साधना सरगम, वैशाली सामंत, बेला शेंडे, नेहा राजपाल, स्वप्नील बांदोडकर यांसारख्या दिग्गज लोकांच्या आवाजात ध्वनिमुद्रित झाल्या.