- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ىلە كەشى» - وقىرماننىڭ سۇيىكتى گازەتى
2011.10.13 07:38 كەلۋ قاينارى : حالىق تورابى
1985 - جىلى قاڭتاردا ىلە ايماعى قۇرىلىپ، ول ىلە اڭعارىنداعى كۇنەس، توعىزتاراۋ، تەكەس، موڭعۇلكۇرە، چاپچال، قورعاس، قۇلجا، نىلقى اۋداندارىن، قۇلجا قالاسىن باسقاراتىن بولدى. وسىدان كەيىن ىلە ايماعىنىڭ ورگان گازەتى «ىلە كەشى» گازەتىنىڭ حانزۋ تىلىندەگى باسىلىمى 1992 - جىلى شىلدەدە، ۇيعۇر تىلىندەگى باسىلىمى 1992 - جىلى جەلتوقساندا، قازاق تىلىندەگى باسىلىمى جارقىن ابىلەز ۇلىنىڭ باسقارۋىمەن، ساۋلەت توقتىبايەۆتىڭ سىرتتاي كومەكتەسىپ، جوبالاۋى، رەداكسياداعى جولداستاردىڭ كۇش سالۋىندا 1993 - جىلى قاڭتاردىڭ 1 - كۇنى شىقتى. «ىلە كەشى» گازەتىنىڭ قازاق تىلىندەگى باسىلىمى كىشى فورماتتى، اپتاسىنا 3 سان شىعاتىن 4 بەتتىك گازەت بولدى. 2001 - جىلى ىلە ايماعى كۇشىنەن قالدى. ايماققا قاراستى مەكەمەلەر وبلىستىڭ مەكەمەلەرىنە قوسىلدى دا، ىلە اڭعارىنداعى اۋدان، قالالار مەن كۇيتۇن قالاسىن وبلىس توتە باسقاراتىن بولدى. 2001 - جىلى ءساۋىردىڭ 24 - كۇنى «ىلە كەشى» گازەتى ىلە گازەتى مەكەمەسىنىڭ باسقارۋىنا ءوتتى. سونىمەن اتى زاتىنا ساي قىزمەت وتەۋ سيپاتىندىق كەشكى گازەتكە اينالدى.
«ىلە كەشى» گازەتى ەلىمىزدە شىعاتىن قازاق تىلىندەگى بىردەن- ءبىر كەشكى گازەت بولۋ سيپاتىمەن شىعا باستاعاننان بەرى جاماعات پىكىرىنە دۇرىس جەتەكشىلىك ەتۋ پرينسيبىندە باستان - اياق تاباندى بولىپ، ىلەنىڭ رەفورما جۇرگىزۋ، قاقپا اشۋ، دامۋ تاريحىن شىنايى بەينەلەدى، ءوز زامانىنىڭ ءۇنى بولىپ، وقىرمان جۇرەگىنەن تەرەڭ ورىن الدى، ىلەنىڭ دامۋىنا كۋا بولىپ، ىقپالدى اقپارات دانەكەرىنە اينالدى. 21 - عاسىرعا قادام باسقان سوڭعى كەزدەرىن اشالاپ ايتار بولساق، 2007 - جىلدان باستاپ سان سايىن قىزىل بوياۋمەن ايشىقتالىپ شىعا باستاسا، 2008 - جىلدان بەرى وزىق باسپا تەحنيكاسى پايدالانىلىپ، لازەرلىك باسپا جۇيەسىندە شىعىپ كەلەدى. سونىمەن بىرگە، مازمۇنى ايشىقتالىپ، ارناۋلى ارقاۋ، ايدارلار اشىلىپ، قالىڭ وقىرماننىڭ قولداۋى مەن قۋاتتاۋىنا يە بولۋدا. گازەتتىڭ 1 -، 2 - بەتتەرىندە گازەتتىڭ ءوز تىلشىلەرى مەن قوعامداعى ەرىكتى ءتىلشى، اۆتورلاردىڭ اقپاراتتىق تۋىندىلارى بەرىلىپ، اينالادا بولىپ جاتقان ءار الۋان ساياسي، الەۋمەتتىك، ەكونوميكالىق، مادەني جاڭالىقتار تانىستىرىلادى. 3 - بەتىندە «قارعالداق»، «قۇسجولى»، «وتباسى»، «اعارتۋ ايدىنى»، «ءىنجۋ - مارجان»، «كوكەيتەستى» ، «قايراتكەر»، «اق قايراق»، «سۋرەت جانە حاتكەرلىك»، «عيبىرات»، «سي قورجىن»، «پاراسات»، «تاريح پاراعىنان»، «التىن ارنا»، «ويتۇرتكى»، «سىر ساندىعى» قاتارلى ايدار، ارقاۋلار رۋحىڭىزدى سەرپىلتىپ، ومىرىڭىزگە ىقپال ەتەتىن تارتىمدى ادەبي تۋىندىلار مەن پۋبليستيكالىق شىعارمالاردى، قۇجىرلى ماقالالار مەن اۋدارمالاردى جاريا ەتىپ كەلەدى. 4 - بەتتەگى «ءدۇبىرلى دۇنيە»، «سپورت الەمى»، «وتباسى»، «قارتتارىمىز قادىرلى» قاتارلى ايشىقتى ايدارلارى ەل ءىشى - سىرتىنداعى ماڭىزدى، قىزىقتى، قۇندى جاڭالىقتاردى قالت جىبەرمەي قاداعالاپ وتىرۋعا ءارى تۇرمىسقا قاجەتتى الۋان ءتۇرلى بىلىمدەر ارقىلى جۇرت قاجەتىن قاناعاتتاندىرۋعا قۇلشىنادى. «ىلە كەشى» گازەتىنىڭ وقىرماندار ءسۇيىپ وقيتىن باسىلىمعا اينالىپ، وقىرمانداردىڭ ىستىق ىقىلاسىنا بولەنۋىندەگى باستى سەبەپ، گازەت بەتىنىڭ اتالعانداي ايشقتى ايدارىنان دەۋىمىزگە بولادى. ايتالىق، «قۇسجولى» ايدارىندا شەتەل ادەبيەتىنىڭ تاڭداۋلى ۇلگىلەرى تانىستىرىلادى؛ «پاراسات» ايدارىندا حالقىمىزدىڭ نە ءبىر شەشەندىك شەرتپەلەرىنەن سۋسىنداي الاسىز؛ «ءىنجۋ- مارجان» ايدارىنان فولكلورلىق باي مازمۇندى مۇرالارىمىزدى وقيمىز؛ «التىن ارنا» ايدارىنان ۇلتتىق مادەني قۇندىلىقتارىمىزدى تانىپ، باعامداي الامىز؛ «كوكەيتەستى» ايدارىندا بۇرىنعى مەن بۇگىنگى كۇننىڭ تولعاقتى ماسەلەلەرى تالقىعا سالىنادى؛ «سىر- سۇحپات» ايدارى ءسىزدى ادەبيەت، مادەنيەت سالاسىنداعى تۇلعالارمەن سىرلاستىرادى؛ «قالاقاي» ايدارى ساتيرالىق، يۋمورلىق دۇنيەلەرمەن جۇزدەستىرەدى؛ «سيقورجىن»ايدارى مەرەكەلىك، ت. ب. تارتۋلارىمەن قىزىقتىرادى. «قارعالداق» ايدارى مەن ونىڭ «اعالار قالامىنان»، «ساحنا»، «قارا ءسوزدىڭ قايىعى» سياقتى قوسالقى ستوندارى ءسىزدى تارتىمدى ادەبي تۋىندىلارمەن سۋسىنداتادى؛ «تاريح پاراعى» ايدارى تاريحي قۇندىلىقتارىمىزعا جەتەلەيدى؛ «قايراتكەر» ايدارى ءىرى تۇلعالارمەن تابىستىرادى؛ «سۋرەت جانە حاتكەرلىك» ايدارى حۇسنيحات تۋىندىلارىن سيلايدى؛ «عيبىرات» ايدارى ونەگەلىك دۇنيەلەرمەن جۇزدەستىرەدى؛ «اقپارات ارناسى»، «اعارتۋ ايدىنى» قاتارلىلار كاسىپتىك زەرتتەۋ مازمۇنىنداعى دۇنيەلەرمەن سۋسىنداتادى؛ «ويتۇرتكى» ايدارىندا بۇرىن - سوڭعى قالتارىستاعى ماسەلەلەر جايىندا وي ورتاقتاستىرادى، «سىر ساندىعى» ايدارىندا قوعامعا ەلەۋلى ۇلەس قوسقان، ەل – جۇرتىنىڭ قۇرمەتىنە بولەنگەن كىسىلەردىڭ ءومىرى، ەڭبەگى جونىندەگى تولعانىستى ەستە، ەستەمەلەر جاريالانادى.
2011- جىلدان باستاپ وقىرمانمەن قايتا جۇزدەسكەن «ءولارا» سانى «ويتولعاق»، «كوكەيتەستى»، «قالاقاي»، «جەتى بوياۋ»، «شاراينا» سىندى ايدارلاردا بەرىلەتىن تەرەڭ ويلى، باي مازمۇندى تۋىندىلارىمەن وقىرمانىن ءتانتى ەتىپ وتىر.
«ىلە كەشى» گازەتىنىڭ ورىنباسار باس رەداكتورى نۇرجان جانەتقان ۇلى، قازاق رەداكسياسىنىڭ مەڭگەرۋشىسى سەنبەك اۋەسقان ۇلى، رەداكسيا مەڭگەرۋشىسىنىڭ ورىنباسارى تولەنباي بەگداۋلەت ۇلى. رەداكسيا ۇجىمىندا سىمايىل ىسقاق ۇلى، الداش تويبول ۇلى، جاماعات شاربەك ۇلى، نۇربولات ءابدىقادىر، اقىلباي مۇقامەتالي ۇلى، گۇلباھار قۇرمانعالي قىزى، اياۋقان قۋاندىق قىزى، ايگۇل ەلاقىن قىزى، ناعيما قۋاتقان قىزى، باقىتالى سەيىتقان ۇلى، سەرىك سابىر ۇلى، جاڭىلقان قوجا قىزى، جاڭىلسىن بوشەن قىزى، قاديشا تۇماربەك قىزى قاتارلى رەداكتور، ءتىلشى، اۋدارماشىلار قىزمەت ەتەدى.
گازەتتىڭ پوچتادان جازىلۋ ءنومىرى: 158 ـ 57
ەل ىشىندەگى ءبىر تۇتاس ءنومىرى: CN65 _ 0026/H
بايلانىس تەلەفونى:
باس رەداكتوردىڭ ورىنباسارى: 8037270 – 0999
قازاق رەداكسياسى: 8038717 – 0999
ەلەكتروندىق حات ساندىعى: ilekexi@yahoo.com.cn
ىلە كەشى گازەتى مەكەمەسى
2011- جىلى شىلدە
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
