قۇلازىعان يەن قىستاقتا جالعىز ءومىر كەشىرسەڭ، قانداي سەزىمدە بولاسىڭ؟ يتاليالىق فوستو موتالي بۇل تۇردەگى تۇرمىستى جالعىزىلىك تارتۋ ەمەس،قايتا «كوڭىلدىلىك پەن قاناعات ەتۋ» دەپ سەزىنەدى ەكەن. فوستو موتاليدىڭ اتا-بابالارى بۇرىن يتالياداعى الپى تاۋىنىڭ بوكتەرىندەگى سوستەلا قىستاعىندا تۇرمىس كەشىرگەن. ول ورتا عاسىردا قالىپتاسقان، جۇرتتان وڭاشا قالعان بايىرعى قىستاق. وتكەن عاسىردىڭ 60-جىلدارى قاقاعان سۋىق اۋا رايى، قاتىناس قولايسىز بولۋ، تۇرمىستىق شارت-جاعداي ناشار بولۋ سياقتى سەبەپتەردىڭ ىقپالىنان قىستاق تۇرعىندارى ارت-ارتىنان قىستاقتان كەتىپ،جان بالاسى قالماعان يەن قىستاققا اينالعان. بيىل 65 جاستاعى فوستو موتالي دەمالىسقا شىققان شيپاگەر، ول نەكەدەن اجىراسقاننان كەيىن بۇل يەن قالعان قىستاقتاعى اجەسىنىڭ كونە قورا-جايىنا بارىپ ۋاقىتشا تۇرعان ءارى ويلاماعان جەردەن بۇل قىستاقتىڭ تىنىشتىعىن ۇناتىپ قالىپ، وسى اراعا تۇراقتاپ قالۋ بەكىمىنە كەلگەن. تاۋ بوكتەرىنە ورنالاسقان بۇل قىستاقتا قازىرگە دەيىن قاتىناس جولى بولماعاندىقتان، ول اپتا سايىن تاۋدان جاياۋ ءتۇسىپ، اۆتوكولىكپەن كورشى قىستاقتان تۇرمىسقا قاجەتتى بۇيىمداردى ساتىپ الاتىن، ونان كەيىن ساتىپ العان بۇيىمدارىن ۇيىنە جاياۋ كوتەرىپ شىعاراتىن. ول اۋا رايى جاقسى كۇندەرى تاۋعا شىعۋ، اعاش كەسۋ، سۋرەت تارتۋ، كوكونىس جانە جەمىس-جيدەك ەگۋ سياقتى جۇمىستارمەن شۇعىلدانسا، جاۋىندى كۇندەرى ۇيدە وتىرىپ كىتاپ وقيتىن. ال بۇگىنگى كۇندەرى ءار اپتا سوڭىندا وعان امانداسا كەلەتىن نەمەرەسىنەن تىس، ونىڭ بىردەن-ءبىر قوعامدىق قارىم-قاتىناس جاسايتىن وبيەكتىلەرى وقتا-تەكتە ساياحاتتاپ كەلەتىن ساياحاتشىلار بولعان ءارى مۇندا كەلگەن ساياحاتشىلار ونىڭ يەن قىستاقتا جالعىز تۇرمىس كەشىرگەنىنە تاڭ قالاتىن جانە قىزىعۋشىلىق بىلدىرەتىن. ول: «ولاردىڭ كوبى ماعان تامسانادى، ءبىراق وسىنداي تۇرمىس وتكىزۋگە بىردە-ءبىرى باتىلدىق ەتە المايدى» دەدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.