【本報訊】今年襲港最強的颱風「鸚鵡」肆虐本港期間，天文台言詞反覆，令預測風球訊息混亂。前晚九號風球期間，天文台一度揚言至昨日清晨時分才考慮改發較低風球，不料旋即於昨凌晨零時40分改發八號風球，並於兩小時後轉發三號風球，有網民投訴天文台誤導公眾，質疑對方判斷出錯。
繼於大前日預料前日清晨發出八號風球機會不大，其後卻於前日早上7時40分發出八號風球而遭市民批評誤導後，天文台於前日發出九號風球期間，預計至昨日清晨才會考慮改發較低風球，怎料於昨凌晨12時40分，即除下發出了11個小時、即歷來掛得最長時間的九號風球，改發八號風球。
50分鐘後改口
天文台高級科學主任鄭楚明當時說，鸚鵡進一步離開香港，進入廣東西部，相信八號風球清晨仍然生效。言猶在耳，天文台於凌晨2時40分改發三號風球，並於昨早11時15分取消所有風球。
署名 hopingu的網民投訴天文台誤導市民，「本來鸚鵡已經登陸廣東，改掛三號風球只是時間問題，但天文台的報告預計八號烈風或暴風信號會在清晨時分繼續生效，但50分鐘後就改口，好離譜，無法接受！」「之前都不止一次預計和實行改信號時間出現好大誤差！」該網民聲稱已向天文台投訴，促請作出改善。
網民 CCC_MC表示，「今次天文台改發三號風球的時間，個人亦覺得有點不妥，因為原先的而且確是說明八號（風球）會在清晨維持生效，卻在2時40分改發三號，顯然香港天文台存在判斷上錯誤。」
天文台解釋，鸚鵡在昨日清晨時進一步減弱為熱帶風暴，並逐漸遠離香港，本港風力減弱較預期為快，所以在凌晨2時40分改發三號風球。
此外，有賽馬會負責足球博彩電話投注的時薪員工向本報投訴，指前天馬會要求員工在颱風下到沙田馬場上班，由上午6時一直至午夜12時，當時仍然懸掛九號風球，馬會沒有安排交通工具接載他們離開，主管只提出他們可以留下再加班至昨日凌晨4時15分，但聲明到時就算仍懸掛風球，一樣不會安排交通工具。
由於員工已工作了18小時，有30人不想再加班，被迫自行離開。各人冒狂風大雨由馬場步行20分鐘到火炭車站，非常狼狽，沿途又有倒塌的樹木阻路，有一定危險。本報昨日聯絡馬會，但未獲回覆。
你的回應
颱風鸚鵡襲港，天文台預測的準確度竟不及流傳全港的神秘 SMS，被市民炮轟，以下是讀者的意見：
我想問天文台是服務颱風定人？——遊人
香港天文台班高官沿用上世紀的思維和方式去應付現在瞬息萬變的時代節奏、唔想累人累己都幾難……——報上名來、打瞌睡……
照顧早班，咁又有夜班……冇
可以滿足全世界。如因為顧及早班，太早掛八號，到時又有人嘈。講到底甚麼市民意見咪又係一些只顧自己有冇假放的人……天文台叫乜都俾人話……唔好累死人已經係做了其份內事。—— dada
問題係8月21日晚11點睇過颱風路線圖的人都知道（颱風）正指香港的機會好大，點解天文台仲可以話不大!?起碼都講有可能
!!——路人甲
自從林超英局長上任後，我就已經唔信呢個天文台，完全冇公信力……可能林局長未試過突然話準備掛八號風球……滯留
街度，有車迫車上唔到車，冇車……亡命天涯的情況……林局長係服務
有錢家族!!那些家族？唔使多講!!——半日安
天文台解釋鸚鵡的風力一直有所改變，移動路線不像上一個熱帶氣旋北冕般穩定。強烈要求天文台將兩個颱風的數據公開，交予專業人士去覆核，以確認有否誤導市民。—— andy
所以，千祈唔好畀23條通過，如果唔係，就算此段大眾認為正面的訊息（神秘 SMS）也會大鑊……——一片天
天文台雖擁有先進的科學儀器，但預測颱風竟不及業餘人士，這已不是第一次而是第 N次，由此可見，天文台官員是食塞米，不以民為本，受官商勾結左右決定。——風捲殘雲
天文台真係越來越唔準，講埋字眼好曖昧，令人誤解，又經常話「天晴，有驟雨」
保住自己費事俾人鬧，係咪需要換過先進
儀器呢？ cut
班高官花紅買一定夠。—— kor
網絡謠言時時都有，今次明明個短訊連時間都「貼」錯晒，都仲可以話佢準？鬼唔知風球走勢會係先三號，再掛八號然後掛九號！—— belmonkoo
