تۇركيانىڭ ديارباكىر قالاسىنىڭ تۇرعىنى، ۇزاق جاساۋشى شاحي تايۋراك ەسىمدى كەيۋانانىڭ سوڭىنان ەرگەن شوبەرە-نەمەنە-شوپشەگىنىڭ سانى بۇگىندە 450-گە جەتىپ وتىر. اجەي ومىرىندە ءۇش رەت كۇيەۋگە تيگەن، جەتى بالاسى بار. ءبىر بالاسى بۇگىندە 96 جاسقا كەلىپ وتىر.
ۇلكەن ۇلى دجەمال تايۋراكتىڭ ايتۋىنشا، اناسىنىڭ جاسى شامامەن 130-دا بولۋى كەرەك.
شاحي تايۋراكتىڭ ءتولقۇجاتىنداعى قاتەلىكتەر جىل ساناۋدىڭ حيجرادان گريگوريان كۇنتىزبەسىنە كوشۋ ۋاقىتىندا ورىن العان. ول 1919 جىلدىڭ 1 شىلدەسىندە جەكە كۋالىگىن قولىنا الىپتى. ول كەزدە شاحي اجەي بەس بالانىڭ اناسى بولعان. سودان كەيىنگى قىزىنىڭ تۋعان كۇنى 06.01.1926 دەپ جازىلىپتى.
ەگدە جاسىنا قاراماستان، شاحي اجەي بۇگىندە ءوزىن جاقسى سەزىنەدى، وتكەن كۇنىن جادىندا جاقسى ساقتاعان. ءوزىنىڭ ۇزاق جاساۋ سەبەبىنىڭ ءبىرى دەپ ول كۇن سايىن تاڭعى استى قالدىرماي، جاقسىلاپ ءىشۋ ەكەندىگىن ايتادى.