ج ك پ ورتالىق كوميتەتى، مەملەكەتتىك كەڭەس قالا، اۋىل الەۋمەتتىك اۋماقتارىن جونگە سالۋدى كۇشەيتۋ جانە كەمەلدەندىرۋ پىكىرىن جاريالادى

شينحۋا اگەنتتىگىنىڭ 12 - ماۋسىمدا بەيجيڭنەن بەرگەن حابارى. شينحۋا اگەنتتىگى 12 - ماۋسىمدا «ج ك پ ورتالىق كوميتەتىنىڭ، مەملەكەتتىك كەڭەستىڭ قالا، اۋىل الەۋمەتتىك اۋماقتارىن جونگە سالۋدى كۇشەيتۋ جانە كەمەلدەندىرۋ جونىندەگى پىكىرىن» جاريالادى. پىكىردە 2020 - جىلى قالا، اۋىل الەۋمەتتىك اۋماقتارىن جونگە سالۋدىڭ نەگىزگى ساتى پارتيا ۇيىمى باسشىلىق ەتەتىن، نەگىزگى ساتى ۇكىمەتى جەتەكشى بولاتىن، كوپ جاق قاتىساتىن، بىرگە جونگە سالاتىن جۇيەسىن نەگىزىنەن قالىپتاستىرۋ ورتاعا قويىلدى.
　　پىكىر قالا، اۋىل الەۋمەتتىك اۋماقتارىن جونگە سالۋدى كۇشەيتۋدە جانە كەمەلدەندىرۋدە تاباندى بولۋعا ءتيىستى 5 نەگىزگى پرينسيپتى ايقىندادى، ياعني پارتيانىڭ باسشىلىعىنا تاباندى بولىپ، نەگىزدى بەكەمدەۋ؛ ادامدى نەگىز ەتۋگە تاباندى بولىپ، تۇرعىندارعا قىزمەت كورسەتۋ؛ رەفورما جاساۋعا، جاڭالىق اشۋعا تاباندى بولىپ، زاڭ بويىنشا جونگە سالۋ؛ قالا، اۋىلدى ءبىر تۇتاس جوسپارلاۋعا تاباندى بولىپ، سايكەسە دامۋ؛ ىڭعايعا قاراي ءىس ىستەۋگە تاباندى بولىپ، ەرەكشەلىكتى كورنەكتىلەندىرۋ.
　　پىكىردە ورتاعا قويىلعان جالپى نىسانا مىناۋ: 2020 - جىلى قالا، اۋىل الەۋمەتتىك اۋماقتارىن جونگە سالۋدىڭ نەگىزگى ساتى پارتيا ۇيىمى باسشىلىق ەتەتىن، نەگىزگى ساتى ۇكىمەتى جەتەكشى بولاتىن، كوپ جاق قاتىسىپ، بىرگە جونگە سالاتىن جۇيەسىن نەگىزىنەن قالىپتاستىرۋ، قالا، اۋىل الەۋمەتتىك اۋماقتارىن جونگە سالۋ ءتۇزىلىسى ءتىپتى دە كەمەلدەنىپ، قالا، اۋىل الەۋمەتتىك اۋماقتارىن جونگە سالۋ قابىلەتى ايتارلىقتاي جوعارىلاپ، قالا، اۋىل الەۋمەتتىك اۋماقتاردىڭ الەۋمەتتىك قىزمەتتەرى، الەۋمەتتىك باسقارۋى، الەۋمەتتىك حاۋىپسىزدىگى ءونىمدى قامتاماسىز ەتىلۋ. تاعى 5 تە 10 جىل ۋاقىتتان كەيىن، قالا، اۋىل الەۋمەتتىك اۋماقتارىن جونگە سالۋ ءتۇزىلىسى كەمەلدەنىپ، قالىپقا ءتۇسىپ، قالا، اۋىل الەۋمەتتىك اۋماقتارىن جونگە سالۋ قابىلەتى ءتىپتى دە ءدال، جان - جاقتى بولىپ، پارتيانىڭ بيلىك جۇرگىزۋ نەگىزىن بەكەمدەۋگە، نەگىزگى ساتىنىڭ بيلىگىن نىعايتۋعا پارمەندى تىرەك ۇسىنىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا بەرىك نەگىز قالاۋ.
　　پىكىردە مىنالار ورتاعا قويىلدى: قالا، اۋىل الەۋمەتتىك اۋماقتارىن جونگە سالۋ جۇيەسىن كەمەلدەندىرىپ، نەگىزگى ساتى پارتيا ۇيىمىنىڭ باسشىلىق ۇيتقىلىق رولىن تولىق كورنەكتىلەندىرىپ، نەگىزگى ساتى ۇكىمەتىنىڭ جەتەكشىلىك رولىن ءونىمدى تۇردە ىسكە قوسىپ، نەگىزگى ساتىداعى بۇقارالىق ءوزىن - ءوزى باسقاراتىن ۇيىمداردىڭ نەگىزدىك رولىن كورنەكتىلەندىرۋگە ءمان بەرىپ، قوعامدىق كۇشتەردىڭ سايكەستىك رولدارىن ءبىر تۇتاس جوسپارلاپ ىسكە قوسۋ؛ قالا، اۋىل الەۋمەتتىك اۋماقتارىن جونگە سالۋ قابىلەتىن ۇزدىكسىز جوعارىلاتىپ، الەۋمەتتىك اۋماق تۇرعىندارىنىڭ قاتىناسۋ قابىلەتىن كۇشەيتىپ، الەۋمەتتىك اۋماقتىڭ قىزمەت كورسەتۋ قابىلەتىن جوعارىلاتىپ، الەۋمەتتىك اۋماقتىڭ مادەنيەتكە جەتەكشىلىك ەتۋ قابىلەتىن، الەۋمەتتىك اۋماقتىڭ زاڭ بويىنشا ءىس ءبىتىرۋ قابىلەتىن كۇشەيتىپ، الەۋمەتتىك اۋماقتىڭ قايشىلىقتان ساقتانۋ جانە ونى شەشۋ قابىلەتىن جوعارىلاتىپ، الەۋمەتتىك اۋماقتىڭ ينفورماتسيالاندىرۋدى قولدانۋ قابىلەتىن كۇشەيتۋ كەرەك.
　　پىكىر قالا، اۋىل الەۋمەتتىك اۋماقتارىن جونگە سالۋداعى ولقىلىقتاردى كۇش سالا تولىقتاۋدى، الەۋمەتتىك اۋماقتىڭ تۇرعىلىقتى ورتاسىن جاقسارتۋدى، الەۋمەتتىك اۋماقتىڭ كەشەندى قىزمەت كورسەتۋ قۇرىلعى قۇرىلىسىن جەدەلدەتىپ، الەۋمەتتىك اۋماقتىڭ بايلىق جايعاستىرۋىن جاقسارتۋدى، الەۋمەتتىك اۋماقتىڭ جۇگىن جەڭىلدەتىپ، ونىمدىلىگىن ارتتىرۋدى ىلگەرىلەتۋدى، الەۋمەتتىك اۋماقتاعى ءۇي قوجالىعى بويىنشا قىزمەت كورسەتۋدى، باسقارۋدى جاقسارتۋدى تالاپ ەتتى.
　　پىكىر تاعى ۇيىمدىق قامتاماسىز ەتۋدى كۇشەيتىپ، باسشىلىق ءتۇزىلىس پەن قىزمەت مەحانيزمىن كەمەلدەندىرىپ، قارجىلىق ۇسىنىلىم سەرپىنىن كۇشەيتىپ، الەۋمەتتىك اۋماق قىزمەتشىلەرىنىڭ قوسىن قۇرىلىسىن كۇشەيتىپ، ساياساتتىق ولشەم جۇيەسى مەن ىنتالاندىرۋ - ۇگىتتەۋ مەحانيزمىن كەمەلدەندىرۋدى تالاپ ەتتى.