Så kera EU?

Kera EU sau?

EU kama but putchepan. Tchakes pento teli:

Putchepa pala miljö. Eu he kerdo pre je sillo for de EU'skre tema te mukla tikner växthusgas vri.

Matchepa. EU pukla så but matcho jala mischto te le pre fon de temengres panjasta. Maschkar lende he ninna torsk fon Östersjöna.

Butepa kettane maschkari Moskren. Moskren ta dochepangre len te kera butepa kettanes maschkari de EU-engre tema mot paro kriminalite tchake drabesko biknepa.

Regionalstöd. Dova EU'skro dikepa he te kera tikneder skillnad maschkare barvale ta tchorale manuscha, maschkari vavare barvale ta tchorale tema ta regioner drej EU. Soske jala but love fon EU'sta for regional loveskro hastrepa.

Politik pala naschepangre. De EU'skre tema kama jek lag kettanes for naschepangre. Dova lag pena savo tem he te kera beslut pala jek asylansökan.

De EU'skre tema kama ninna butepa kettane trujal biståndspolitik, pala kinepa mé tema'a fon vrian EU'ste, hastring for puakerepaskre ta kabnakre putchepan.

Kava kera EU tchi

De EU'skre tema kama soles te ansvar for vavre putchepan. Tchake putchepan pala harrika, sjukvård, sikrepa ta pensioner å hastring for tchavene ta nukkene.

Senast uppdaterad: 2014-03-14