„საქართველოში C ჰეპატიტის ელიმინაციის გეგმის ფარგლებში, სკრინინგული კვლევებისადმი მოსახლეობის ხელმისაწვდომობის გაზრდის თაობაზე“ საქართველოს მთავრობის 2015 წლის 14 სექტემბრის №1974 განკარგულების საფუძველზე დამტკიცებული საყოველთაო სკრინინგის ღონისძიებებში მონაწილეობის მიზნით, საქართველოს ნებისმიერ მოქალაქეს შესაძლებლობა ეძლევა  ჩაიტაროს უფასო სკრინინგი დკსჯეც - ის ცენტრის ლაბორატორიებში შემდეგ მისამართებზე:

ჯანმრთელი საქართველოსათვის - მოძრაობა C-ს გარეშე

2017 წლის 4 ივლისს თბილისის სახელმწიფო სამედიცინო უნივერსიტეტში დაავადებათა კონტროლისა და საზოგადოებრივი ჯანმრთელობის ეროვნული ცენტრის და თსსუ ადმინისტრაციის ორგანიზებით სტუდენტებისთვის გაიმართა შეხვედრა სახელწოდებით მოძრაობა ჯანმრთელი საქართველოსთვის - მოძრაობა C ჰეპატიტის გარეშე.

2017 წლის 4 ივლისს საქართველოს შრომის, ჯანმრთელობისა და სოციალური დაცვის სამინისტროს ლ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრში გაიმართა ბრიფინგი თემაზე: რეკომენდაციები მაღალი ტემპერატურის დროს.

2017 წლის 29 მაისს სასტუმრო გალერეა შარდენში შრომის ჯანმრთელობისა და სოციალური დაცვის სამინისტროს ლ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის, ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის, შიდსით დაავადებულთა დახმარების ფონდის, თბილისის სამხატვრო აკადემიის და ზიანის შემცირების საქართველოს ქსელის ორგანიზებით შიდსით გარდაცვლილ ადამიანთა ხსოვნის პატივის მისაგებისა და შიდსით დაავადებული და დაობლებული ბავშვების  დასახმარებლად გაიმართა პრესკონფერენცია და ცნობილი ქართველი მხატვრების და სამხატვრო აკადემიის წარჩინებული სტუდენტების ნამუშევრების საქველმოქმედო გამოფენა-გაყიდვის აქცია სახელწოდებით  „სურვილების კალათა“.

2017 წლის 9-10 მარტს შრომის, ჯანმრთელობისა და სოციალური დაცვის სამინისტროს, დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) ორგანიზებით და აშშ-ს დაავადებათა კონტროლისა და პრევენციის ცენტრის (CDC) მხარდაჭერით ჩატარდა C ჰეპატიტის ელიმინაციის მეოთხე ეროვნული სამუშაო შეხვედრა.

2017 წლის 6-7 მარტს შრომის, ჯანმრთელობისა და სოციალური დაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC), ჯანმრთელობის მსოფლიო ორგანიზაციის (WHO) და აშშ დაავადებათა კონტროლის (CDC) ორგანიზებით ჩატარდა ანტიმიკრობული რეზისტენტობის, საავადმყოფოსთან ასოცირებული ინფექციების და ინფექციური კონტროლის და პრევენციის საკითხებისადმი მიძღვნილი სამუშაო შეხვედრა.

2016 წლის 2 მარტს დაავადებათა კონტროლისა და საზოგადოებრივი ჯანმრთელობის ეროვნულ ცენტრში სტუმრად იმყოფებოდა მოლდოვის რესპუბლიკის ჯანდაცვის მინისტრის მოადგილე ქალბატონი ალიონა სერბულენკო. ვიზიტის დროს ქალბატონ ალიონას ცენტრის ხელმძღვანელმა პირებმა გააცნეს დაავადებათა კონტროლისა და საზოგადოებრივი ჯანმრთელობის ეროვნული ცენტრის ძირითადი მიმართულებები და პრიორიტეტები. ასევე, მოხდა გამოცდილების გაზიარება.