Birmingham
Birmingham | |
Birmingham | |
Birmingham í Englandi | |
Land Svæði Sýsla |
England Vestur-Midlands Vestur Midlands |
Stofnuð | 6. öld |
Undirskiptingar | engar |
Flatarmál – Samtals |
267,77 km² |
Hæð yfir sjávarmáli | 140 m |
Mannfjöldi – Samtals – Þéttleiki |
(2012) 1.085.417 3.739/km² |
Oddviti | Shafique Shah (Lord Mayor) |
Póstnúmer | B |
Svæðisnúmer | 01905 |
Tímabelti | GMT |
www.birmingham.gov.uk |
Birmingham (borið fram /ˈbɝmɪŋəm/ eða /ˈbɝːmɪŋɡəm/ af íbúum borgarinnar) er borg í Vestur-Miðhéruðum á Englandi. Hún er þéttbyggðasta borgin í English Core Cities-hópnum og er önnur þéttbyggðasta borg á Bretlandi. Þar bjuggu rúmlega 1.085.000 manns árið 2012. Borgin er hluti hins mikla þéttbýlis Vestur-Miðhéraðanna, en þar bjuggu tæplega 2,3 milljónir manna samkvæmt manntali ársins 2001. Í þessu þéttbýli eru nokkrar aðrar borgir, þ.e. Solihull, Wolverhampton og borgirnar í Black Country.
Meðan á Iðnbyltinginni stóð var borgin orðlægð fyrir auðæfi sín. Hún var þekkt undir nöfnunum „verkstæði heimsins“ og „borg þúsund starfsgreina“. Birmingham er ekki lengur iðnaðarmiðstöð en hefur nú þróast í viðskiptamiðstöð á landsvísu. Árið 2007 setti Cushman & Wakefield hana í þriðja sæti í Englandi sem hagkvæmustu borg fyrir fyrirtæki og í tuttugasta og fyrsta sæti borga í Evrópu.