Desastres estruturados
No ano 2006, parte dos que hoxe formamos Baleiro convidamos a un grupo de artistas galegos a tomar parte nun proxecto de intervención artística. Concebido ao mesmo tempo coma un proxecto expositivo e de creación, Desastres Estruturados afondaba nas posibilidades de interacción entre dous espazos arquitectónicos con forma, contidos e significados diferentes. Os sotos da Residencia Universitaria Monte da Condesa [e-1], empregados durante anos como almacén, foron empregados como espazo de produción artística durante catro meses, de xaneiro a maio de 2005, antes da súa reforma e acondicionamento para un uso académico. A análise, percorrido e apropiación deste primeiro espazo, así como dos obxectos alí atopados, deron orixe a unha serie de fotografías, vídeos, esculturas e instalacións que son trasladadas a un segundo lugar, o Coro da Igrexa da Universidade [e-2], na busca dunha relación de simbiose, e en ocasións de parasitismo, entre as dúas arquitecturas.
Desastres estruturados foi un proxecto impulsado polo colectivo ÍCAROS (Daniel López Abel, Oskar Ínsua e Víctor E. Pérez) coa colaboración dos artistas María Esteiran, David Lemas, Diego Lamas, Manuel Mas i Eduardo Outeiro. A exposición tivo lugar no Coro da Igrexa da Universidade da USC do 7 de xuño ao 3 de xullo de 2006.