ନିଶା ସୁନ୍ଦରୀ ହେଲେ ଭାରି ଜିଦଖୋର। ଅଜା ରାଜେଶ୍ୱର ରାୟ ତା’ ପାଇଁ ବରପାତ୍ରଟିଏ ଖୋଜୁଥାଆନ୍ତି କିନ୍ତୁ ବାହା ହେବାକୁ ନିଶା ରାଜି ହୁଏନା। ହଠାତ ଜିତ୍ଙ୍କ ସହ ଭେଟ ହୁଏ ନିଶାର। କିନ୍ତୁ ପ୍ରେମର ନାଟକ ଭିତରେ ତାକୁ ଧୋକା ଦିଏ ଜିତ୍। ଆଉ ତା’ପରେ କ’ଣ ହୁଏ ? ପ୍ରେମିକର ଭୁଲକୁ ସେ ମାଫ କରେ କି ? ନିଶାକୁ ଧୋକା ଦେବା ପରେ ନିଜର ଭୁଲ ଜିତ ବୁଝିପାରି ପୁଣି ତାକୁ ପ୍ରେମିକା ଭାବରେ ଗ୍ରହଣ କରେ କି ? ନିଶା ଜିତ୍କୁ ବାହା ହୁଏ ନା ଆଉ କାହାକୁ ? ଏସବୁ ପ୍ରଶ୍ନର ଉତ୍ତର ରହିଛି ଚଳିତ ମାସରେ ରିଲିଜ ହେଉଥିବା ଓଡ଼ିଆ ଚଳଚ୍ଚିତ୍ର ‘ପ୍ୟାର ଅଲଗା ପ୍ରକାର’। ଏଥିରେ ଜିତ ଭୂମିକାରେ ଜ୍ୟୋତି ଏବଂ ନିଶା ରୋଲ୍ରେ ଅଭିନୟ କରିଛନ୍ତି ଝିଲିକ୍। ବିନାୟକ ଫିଲ୍ମସ ବ୍ୟାନରରେ ଅକ୍ଷୟ ପ୍ରଧାନଙ୍କ ସହ ପ୍ରଯୋଜନାରେ ଏହି ଚିତ୍ରଟିର ପ୍ରଯୋଜନା କରିଛନ୍ତି ବିବେସିତା ଘଡାଇ। କାହାଣୀ, ଚିତ୍ରନାଟ୍ୟ ସହ ନିର୍ଦ୍ଦେଶନା ଦେଇଛନ୍ତି ହୀରା ଚୌଧୁରୀ। ବିଜୟ ମଲ୍ଲ ସଂଳାପ ରଚନା କରିଥିବା ବେଳେ ସଙ୍ଗୀତ ଦାୟିିିତ୍ୱରେ ଅଛନ୍ତି ଅମରେନ୍ଦ୍ର ମହନ୍ତି। ଚଳଚ୍ଚିତ୍ରର ବିଭିନ୍ନ ଭୂମିକାରେ ଅଛନ୍ତି ବିଜୟ ମହାନ୍ତି, ମିହିର ଦାସ, ଜୟୀରାମ ସାମଲ, ପ୍ରଜ୍ଞା ପ୍ରମୁଖ କଳାକାର। ଏହି ଫିଲ୍ମ ପୂର୍ବରୁ ଜ୍ୟୋତି-ଝିଲିକ ଯୋଡି ‘ତୁ ମୋ ହିରୋ’ ଏବଂ ‘ଓଲେ ଓଲେ ଦିଲ୍ ବୋଲେ’ରେ ଅଭିନୟ କରିସାରିଛନ୍ତି।