翻唱郭富城經典金曲　陳蕾唔敢挑戰快歌

歌手陳蕾參與ViuTV音樂節目《Chill Club》錄影，表示除了獻唱新歌外，還會唱郭富城的經典金曲《風裡密碼》，她解釋：「我細個喺電台第一次聽呢首歌已經有好深刻印象，不過十幾年來一直唔知歌名，係近年先知。今次大會提供嘅經典金曲名單中有呢首歌，我即時揀嚟唱，呢個係我嘅情懷。好在呢首歌比較冷靜，我唔敢揀佢嘅快歌，佢跳舞咁好，我企喺度唱好弱。」

陳蕾指歌曲頗有難度，因為音域很廣：「我喺屋企練嘅時候唔覺，但現場夾埋樂隊後發首歌好多低音位好難唱，難度好高。」