Zv/kryeministri kosovar, Bexhet Pacolli, ka prezantuar dje ne Tirane, nismen e tij per nje bashkim kombetar permes krijimit te nje tregu te perbashket ekonomik mes Kosoves dhe Shqiperise. Permes nje ceremonie te vecante, te organizuar ne mjediset e Universitetit Evropian te Tiranes, ku prezantoi edhe librin e tij me titullin "Bashkimi Kombetar nis nga ekonomia" qe i permbahet pikerisht kesaj teme, ai tha se uniteti yne kombetar, nis respektivisht nga aspekti ekonomik dhe rritja e marredhenieve tregtare mes dy vendeve tona. Sipas tij, tregjet e Kosoves dhe Shqiperise, ne vetvete jane shume te vogla, por te bashkuara ofrojne mundesi me te medha, duke i perafruar keto shtete me prane integrimit evropian dhe stabilitetit ekonomik. Konkretisht, libri i ish-presidentit kosovar, "Bashkimi fillon nga ekonomia", parashtron teza nga akademike shqiptare te te gjitha viseve per harmonizim ekonomik, i cili sipas tyre, do t'i paraprije bashkimit te shqiptareve nen strukturat evropiane. Ne kete menyre, kjo nisme e zv/kryeministrit kosovar, perfshin intelektuale, akademike dhe zyrtare shqiptare nga te dy vendet, Kosova dhe Shqiperia. Nderkaq, te pranishem ne ceremonine e zhvilluar dje ne UET, dy ish-presidentet shqiptare, Alfred Moisiu dhe Rexhep Mejdani, thane ne fjalen e tyre se lidhjet ekonomike mes dy vendeve tona nuk duhet te hasin ne barriera artificiale. Dhe se i takon politikes, qe te gjeje zgjidhje per lehtesimin e metejshem te marredhenieve mes dy vendeve tona.
