737 Ҳиндистонда «қора моғор» билан касалланиш сонининг кўпайиши фонида яна бир турдаги «оқ моғор» қўзиқорин касаллиги қайд этилишни бошлади. Бу ҳақда «Hindustan Times» хабар берди.
Шифокорларнинг нашрга маълум қилишича, «оқ моғор» ўпка ва бошқа органларга, жумладан, тирноқлар, тери, ошқозон, буйрак ва мияга жиддий таъсир кўрсатиши сабабли «қора моғор»дан ҳам хавфли ҳисобланади. Ушбу турдаги касалликка чалиниш хавфи кўпроқ диабет ёки иммунитет танқислиги бўлган коронавирус билан оғриган беморларда энг юқори кўрсаткичда қайд этилган.
Таъкидланишича, бу инфекциянинг инсонда кеч аниқланиши ўлимга олиб келади. Шу сабабли ҳиндистонлик шифокорлар коронавирусга чалинган беморларга «оқ моғор»ни жиддий қабул қилиш ва унинг аломатлари кузатилганда, шифокорга мурожаат қилишни айтган.
Маълумот ўрнида, Ҳиндистонда коронавируснинг иккинчи тўлқини билан параллель равишда мукормикоз (энг хавфли неврологик инфекциялардан бири) билан касалланиш ҳолатлари кузатилганди. Вазиятнинг жиддийлашиши оқибатида иккита штатда эпидемия эълон қилинган.
Аввалроқ Ҳиндистонда коронавируснинг янги аломати қайд этилган. Шунингдек, АҚШнинг чет элдаги бир қатор вакилларида номаълум мия касаллиги аниқланганди.
