Макарына-Кібак Людміла Эдуардаўна

Нарадзілася 20 красавіка 1967 года ў г. Хойнікі.

Адукацыя вышэйшая — скончыла Гродзенскі дзяржаўны медыцынскі інстытут па спецыяльнасці «Лячэбная справа»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне сацыяльнай сферай». Доктар медыцынскіх навук, дацэнт. Аўтар 143 навуковых публікацый.

Галоўны рэдактар навуковага часопіса «Отарыналарынгалогія. Усходняя Еўропа».

Працавала ўрачом-отарыналарынголагам, загадчыкам отарыналарынгалагічнага аддзялення Брэсцкай абласной бальніцы; галоўным урачом Рэспубліканскай бальніцы паталогіі слыху, голасу і маўлення; дырэктарам Рэспубліканскага навукова-практычнага цэнтра отарыналарынгалогіі.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь шостага склікання, была старшынёй Пастаяннай камісіі па ахове здароўя, фізічнай культуры, сямейнай і маладзёжнай палітыцы.

Мае Падзячнае пісьмо Прэзідэнта Рэспублікі Беларусь. Узнагароджана медалём «За працоўныя заслугі», Ганаровай граматай Нацыянальнага сходу Рэспублікі Беларусь, нагрудным знакам Міністэрства аховы здароўя «Выдатнік аховы здароўя Рэспублікі Беларусь». Удастоена звання «Жанчына года — 2013» у намінацыі «За прафесіяналізм і актыўную грамадскую дзейнасць».

Замужам, мае сына і дачку.

• «Аб змяненні законаў па пытаннях донарства крыві і яе кампанентаў»
  Падрыхтоўка да першага чытання
  
• «Аб змяненні законаў па пытаннях аховы здароўя і аказанні псіхалагічнай дапамогі»
  Прыняты ў другім чытанні