ANSONBEAN吹雞着睡衣返學

寰亞歌手陳毅燊（ANSONBEAN）日前與藝人雲浩影及強尼為慈善活動拍攝宣傳片，其中ANSONBEAN拍攝着背心的場面前，狂做掌上壓及拉橡筋帶谷肌肉，他說：「要操肌係因為之前工作日夜顛倒，加上我食得唔夠多，所以瘦咗，我想（望落）大隻啲！」講到便服日，他回想讀書時的趣事：「便服日我鍾意着衞衣同牛仔褲，但次次都係咁，覺得好悶，於是就叫啲朋友着全套傳統睡衣返學，一齊行出宿舍喺走廊行，最後好似鬼片咁，結果畀訓導主任捉住，知道係我嘅主意之後，仲要訓話。」