QAYNAR XƏTT
|
Təqdim edilmiş ünvanlardan hüquqi, psixoloji və tibbi yardım almaq olar.
YARDIM FORMALARI
Böhran mərkəzi:
t: 4943376
wcc@online.az
Hüquqi məsləhət, psixoloji bərpa edilmə, psixiatr, nevropotoloqun məsləhətləri.
MHAIDS Azerbaijan:
t: 5106614
mhaids@initiative.az
psixoloji bərpa edilmə, psixiatr, nevropotoloqun məsləhətləri
Elmi-tədqiqat Mərkəzi "AREAT"
t: 438 15 77:
areat@azeronline.com
nikah qeydiyyatı zamanı ailədə iqtisadi zorakılığın qarşısını alan tədbirlər kimi, nikah müqaviləsinin bağlanmasının mümkünlüyünə dair məsləhətlər
LTD "Law and Order"
t: (050) 341 06 60
law_order@gender-az.org
hüquqi məsləhət, məhkəmə iddialarının tərtibi, məhkəməyə qədər sənədlərin hazırlanması, ictimai müdafiəçi (ittihamçı) sifətində məhkəmə iclaslarında iştirak
"Təmiz dünya" vətəndaş hüquqları uğrunda sosial birlik
t: 497 10 58
Trafik qurbanlarına dəstək və trafik qurbanlarına sığınacağın verilməsi. Sığınacağın yeri ciddi surətdə məxfidir, onun yerini ancaq işçilər bilir. Qurbanlar və sığınacaq haqda informasiya gizli saxlanılır. Qurban, oraya düşəndən rəsmi hakimiyyətin icazəsinə kimi daima sığınacağın ərazisində yaşayır. Verilmiş informasiya KİV-lərdə dərc edilmir.
|
|
Z
|
Zamanova Narınc Əşrəf qızı
|
|
1908-ci il Göyçay şəhərində anadan olmuşdur. Ailə tərkibi: həyat
yoldaşı Zamanov Nəzər Mövsüm oğlu -1901-ci il, oğlanları Zamanov Əli Həsən
Nəzər oğlu - 1925-ci il, Adil - 1930-cu il, qızları Zamanova Səyyarə Nəzər
qızı - 1927-ci il, Elmira - 1931-ci il təvəllüdlü. Oğlu Zamanov Əli Hüseyn
Nəzər oğlu (1922) 22 yanvar 1945-ci ildə 6-cı Ordunun Hərbi Tribunalı
tərəfindən düşmən tərəfə keçdiyinə görə güllələnməyə məhkum edilmişdir.
Zamanov Narınc Əşrəf qızı vətən xaininin anası kimi Azərbaycan SSR CM-nin
63-3-cü maddələri ilə repressiyaya məruz qalmışdır. SSRİ XDİK Xüsusi
Müşavirəsinin 24 noyabr 1945-ci il tarixli qərarına əsasən Zamanov Narınc
Əşrəf qızı vətən xaininin anası kimi 5 il müddətinə Qazaxstanın
Semipalatinski vilayətinə sürgün edilmişdir.
|
|
|
|
Zamanova Səyyarə Nəzər qızı
|
|
1927-ci il Göyçay şəhərində anadan olmuşdur. Ailə
tərkibi: anası Zamanova Narınc Əşrəf qızı - 1908-ci il, atası Zamanov Nəzər
Mövsüm oğlu - 1901-ci il, bacısı Elmira - 1931-ci il, qardaşları Əlihəsən -
1925-ci il, Adil - 1930-cu il təvəllüdlü. Zamanov Əli Hüseyn Nəzər oğlu
(1922) 22 yanvar 1945-ci ildə 6-cı Ordunun Hərbi Tribunalı tərəfindən düşmən
tərəfə keçdiyinə görə güllələnməyə məhkum edilmişdir. Zamanova Səyyarə Nəzər
qızı vətən xaininin bacısı kimi Azərbaycan SSR CM-nin 63-3-cü maddələri ilə
repressiyaya məruz qalmışdır. SSRİ XDİK Xüsusi Müşavirəsinin 24 noyabr
1945-ci il tarixli qərarına əsasən Zamanova Səyyarə Nəzər qızı vətən xaininin
bacısı kimi 5 il müddətinə Qazaxstanın Semipalatinski vilayətinə sürgün
edilmişdir.
|
|
|
|
Zeynallı-Şərifova Səyyarə Səttar qızı
|
|
1907-ci il oktyabrın 1-də Bakı şəhərində anadan
olmuşdur. Ali təhsilli idi. Ailə tərkibi: oğlu Azər Hənifə oğlu - 1930-cu il,
qızı Zenfira -1933-cü il təvəllüdlü. Həyat yoldaşı Hənifə Baba oğlu 27 yanvar
1937-ci ildə həbs edilmiş və SSRİ Ali Məhkəməsinin 12 oktyabr 1937-ci il
tarixdə Bakı şəhərində keçirilən 15 dəqiqəlik Səyyar Hərbi Kollegiyasının
qapalı məhkəmə iclasının hökmü ilə güllələnməyə məhkum edilmişdir. Zeynalova
Səyyarə Səttar qızı SSRİ MİK-nin 4 iyul 1934-cü il tarixli qərarına əsasən
vətən xaininin həyat yoldaşı kimi 15 oktyabr 1937-ci ildə həbs edilmişdir. SSRİ
XDİK yanında Xüsusi Müşavirəsinin 9 dekabr 1937-ci il tarixli qərarına əsasən
Zeynallı Səyyarə Səttar qızı 8 il müddətinə azadlıqdan mərhum edilmişdir.
Sürgündən sonra Zaqatala rayonunda yaşayıb. Zeynallı Səyyarə Səttar qızı
1952-ci ildə SSRİ Dövlət Təhlükəsizlik Nazirliyinə müraciət edərək
məhkumluğunun üzərindən götürülməsini xahiş etmişdir. Lakin SSRİ DTN yanında Xüsusi
Müşavirə 6 avqust 1952-ci il tarixli qərarı ilə həmin xahişi rədd edib.
Zeynallı Səyyarə Səttar qızına Azərbaycan SSR Ali Məhkəməsinin 17 fevral
1956-cı il qərarı ilə bəraət verilmişdir.
|
|
|
|
Zeynalova
Xanım Mustafa qızı
|
|
1885-ci ildə Ermənistanın Kolanlı kəndində anadan
olmuş, Bakı, 8-ci Zavodskoy ev № 1 ünvanında yaşamışdır. Ailə tərkibi: oğlu
Yaqub Əsgər oğlu - 16 yaş, gəlini Məryəm Əsəd qızı. Oğlu Zeynalova Həsən
Əsgər oğlu əksinqilabi fəaliyyətinə görə vətən xaini kimi həbs edilmişdir.
Zeynalova Xanım Mustafa qızı Azərbaycan SSR CM-nin 74 maddəsilə SSRİ XDİK-nin
20 fevral 1939-cu il qərarına əsasən vətən xaininin anası kimi həbs
edilmişdir. Azərbaycan SSR Ali Məhkəməsinin Cinayət İşləri üzrə Məhkəmə
Kollegiyasının 4 sentyabr 1963-cü il qərarına əsasən Zeynalova Xanım Mustafa qızına
bəraət verilmişdir.
|
|
|
|
Zeynalova Nənəş Qara qızı
|
|
1910-cu il Astraxan-Bazar (Cəlilabad) rayonunun
Kezbulaq kəndində anadan olmuşdur. Ailə tərkibi: oğlanları Zeynalov Balaxan Əli oğlu - 1936-cı il, Sərxan
-1941-ci il, qızı Sərfinaz Əli qızı - 1939-cu il təvəllüdlü. Həyat yoldaşı Zeynalov Ərşad Xudu oğlu (1914) 6 iyun 1942-ci ildə
Bakı Hava Hücumundan Müdafiə Ordusunun Hərbi Tribunalı tərəfindən ordudan
qaçdığına görə güllələnməyə məhkum edilmişdir. 13 oktyabr 1942-ci ildə
379 №-li əmrlə güllələnmə 10 il işlə əvəz edilmişdir. Zeynalova Nənəş Qara
qızı Azərbaycan SSR CM-nin 63-3-cü maddəsi ilə təqsirli bilinərək vətən
xaininin həyat yoldaşı kimi repressiyaya məruz qalmışdır. Azərbaycan SSR
XDİK-nin 13 noyabr 1942-ci il qərarına əsasən Zeynalova Nənəş Qara qızının
işinə xitam verilmişdir.
|
|
|
|
Zeynalova Bikə Qiyas qızı
|
|
1889-cu ildə Bakı şəhərində anadan olmuş, Bakı
şəhəri, Sabunçu rayonu, Kooperativ küç, ev 285 (Sabunçu rayonu, Axund Şeyx
Hüseyn küçəsi) ünvanında yaşamışdır. Ailə tərkibi: oğlanları Firqət -18 yaş,
Dadaş - 14 yaş, Zeynal -12 yaş, qızı İradə - 21 yaşında. Həyat yoldaşı
Baladadaş - 55 yaşında. Zeynalova Bikə Qiyas qızı antisovet fəaliyyətinə,
əksinqilabi baxışlarına görə 04.12.1939-cu il tarixdə 341-ci Bakı qarnizonu
Hərbi Tribunalının qərarına əsasən Azərbaycan SSR CM-nin 72 maddəsinin I hissəsilə
təqsirli bilinərək 2 il müddətinə azadlıqdan məhrum edilmişdir.
|
|
|
|
Zeynalova Sarıma Mikayıl qızı
|
|
1916-cı ildə Qusar rayonunun Urva kəndində anadan olmuşdur. Ailə tərkibi:
oğlu Abdulxalıq - 1941-ci il, qızı
Şavilya -1939-cu il
təvəllüdlü. Həyat yoldaşı Zeynalov Azan Abdulla Cabbar
oğlu 1941-ci ilin sentyabr
ayında Qızıl Ordu
sıralarına səfərbər
edilmiş, 13.02.1942-ci il tarixdə 17-ci atıcı diviziyanın Hərbi Tribunalı
tərəfindən vətən xaini kimi güllələnməyə
məhkum edilmişdir.
Zeynalova Sarıma
Mikayıl qızı vətən xaininin həyat yoldaşı kimi SSRİ XDİK Xüsusi
Müşavirəsinin CM-nin 63-3-cü maddənin 21.11.1942-ci il tarixli qərarına əsasən 5 il müddətinə
Şimali Qazaxstana sürgün edilmişdir. Azərbaycan SSR Prokurorluğunun 19.02.1990-cı il tarixli rəyinə əsasən Zeynalova Sarıma Mikayıl
qızına bəraət
verilmişdir.
|
|
|
|
Zeynəb Hacı Əhməd qızı
|
|
1896-ci ildə Balakən rayonunda anadan olmuşdur. Ailə tərkibi:
qızları Asa
Molla
Şərif qızı, Uzminat - 1924 -ci il, Asa - 1911-ci il, oğlanları Hacı - 1919-cu il,
İsmayıl Xankişi - 1925-ci il təvellüdlü. Həyat yoldaşı
Molla Şərif Qazıyev 1930-cu il aprel üsyanının iştirakçısı kimi həbs edilmişdir. Zeynəb Hacı Əhməd
qızı 1930-cu ildə aprel üsyanının fəal iştirakçısının həyat yoldaşı kimi 9 fevral 1931-ci
ildə həbs edilmiş Zaqafqaziya
Fövqəladə
Üçlüyünün 9
mart 1931-ci il qərarı ilə Qazaxstana sürgün edilmişdir. Azərbaycan SSR
Prokurorluğunun 5
iyul
1990-cı il rəyinə əsasən Zeynəb Hacı Əhməd qızına bəraət verilmişdir.
|
|
|
|
Zeynalova Tükəzban Əlisultan qızı
|
|
1908-ci ildə Bakı şəhərində anadan olmuş, Bakı
şəhəri, Məmmədyarov küçəsi 31 ünvanında yaşamışdır. Ailə tərkibi: oğlanları
Zeynal Ələkbərov - 16 yaş, Zeynalov Tofiq - 10 yaşında. Həyat yoldaşı
Zeynalov Əliağa Ələkbər oğlu (47 yaş) əksinqilabi təbliğat apardığına görə
həbs edilmişdir. Zeynalova Tükəzban Əlisultan qızı Azərbaycan SSR CM-nin 72
maddənini II hissəsi ilə təqsirili bilinərək 8 avqust 1941-ci ildə həbs
edilmişdir. SSRİ XDİK Xüsusi Müşavirəsinin 25 sentyabr 1943-cü il qərarına
əsasən Zeynalova Tükəzban Əlisultan qızının qardaşı Qızıl Orduda olduğuna
görə azad edilmişdir.
|
|
|
|
Zeynəb Hacı Əhməd qızı
|
|
1896-ci ildə Balakən rayonunda anadan olmuşdur. Ailə tərkibi:
qızları Asa Molla Şərif qızı,
Uzminat -
1924-cü
il, Asa - 1911-ci il,
oğlanları Hacı -
1919-cu
il, İsmayıl Xankişi -1925-ci il təvəllüdlü. Həyat yoldaşı Molla Şərif Qazıyev 1930-cu il aprel üsyanının iştirakçısı kimi
həbs edilmişdir. Zeynəb Hacı Əhməd qızı 1930-cu ildə aprel üsyanının fəal iştirakçısının həyat
yoldaşı kimi 9
fevral
1931-ci ildə həbs edilmiş, Zaqafqaziya Fövqəladə Üçlüyünün 9 mart 1931-ci il qərarı ilə Qazaxstana sürgün
edilmişdir. Azərbaycan SSR
Prokurorluğunun 5
iyul
1990-cı il rəyinə əsasən Zeynəb Hacı Əhməd qızına bəraət verilmişdir.
|
|
|
|
Zeynalova-Kaçayeva Məryəm Əsəd qızı
|
|
1914-cü ildə Quba şəhərində anadan olmuşdur. Orta
təhsilli idi. Ailə tərkibi: həyat yoldaşı Zeynalov Həsən Əsgər oğlu
əksinqilabi fəaliyyətinə görə həbs edilmişdir. Zeynalova-Kaçayeva Məryəm Əsəd
qızı vətən xaininin həyat yoldaşı kimi SSRİ XDİK Xüsusi Müşavirəsi tərəfindən
Azərbaycan SSR CM-nin 74 maddələri ilə təqsirli bilinərək 20 fevral 1939-cu
ildə həbs edilmişdir. Azərbaycan SSR Ali Məhkəmənin Cinayət işləri üzrə
Məhkəmə Kollegiyasının 4 sentyabr 1963-cü il qərarına əsasən
Zeynalova-Kaçayeva Məryəm Əsəd qızına bəraət verilmişdir.
|
|
|
|
Zeynəb Mustafa qızı
|
|
1885-ci il Zaqatala rayonunun Balakən kəndində
anadan olmuşdur. Ailə tərkibi: qızı Ailət - 1920-ci il təvəllüdlü. Həyat
yoldaşı Nadir Hacı Abdulla oğlu (1890) əksinqilabi təbliğatçı kimi həbs
edilmişdir. Zeynəb Mustafa qızı Azərbaycan Dövlət Siyasi İdarəsi Fövqəladə
Üçlüyünün 19 mart 1931-ci il qərarına əsasən 18 mart 1931-ci ildən qızı ilə
birlikdə əksinqilabçı kimi Qazaxstana sürgün edilmişdir. Azərbaycan SSR
Prokurorluğunun 25 fevral 1992-ci il rəyinə əsasən Zeynəb Mustafa qızına
bəraət verilmişdir.
|
|
|
|
Zərgərova Dünya Məmmədəli qızı
|
|
1910-cu ildə Lənkəran rayonunun Arababirxanlı
kəndində anadan olmuş, Salyan rayonu Lenin küçəsi, ev 45 ünvanında
yaşamışdır. Ailə tərkibi: qızları Böyük-1933-cü il, Balacaxanım - 1935-ci il
təvəllüdlü. Həyat yoldaşı Zərgərov Miriş Hüseynbala oğlu 07.01.1938-ci il
tarixdə əksinqilabi-millətçi təşkilatının fəal iştirakçısı olduğuna görə
Azərbaycan SSR Ali Hərbi Kollegiyanın Səyyar Sessiyası tərəfindən həbs
edilmişdir. Zərgərova Dünya Məmmədəli qızı 02.01.1938-ci il tarixdə həbs
edilmiş, 09.04.1938-ci il tarixdə XDİK tərəfindən Azərbaycan SSR CM-nin 72,
73-cü maddəsilə vətən xaininin həyat yoldaşı kimi təqsirli bilinərək
cəzasını İslah-Əmək Düşərgəsində çəkməklə 8 il müddətinə azadlıqdan məhrum
edilmişdir. Azərbaycan SSR Prokurorluğunun 14.03.1990-cı il tarixli rəyinə
əsasən Zərgərova Dünya Məmmədəli qızına bəraət verilmişdir.
|
|
|
|
Zəkiyeva
Xansənəm İdris qızı
|
|
1922-ci ildə Azərbaycan SSR Qonaqkənd rayonunun
Səfi kəndində anadan olmuş, Lökbatan qəsəbəsi, korpus 147, mənzil 14
ünvanında yaşamışdır. Ailə tərkibi: həyat yoldaşı Zəkiyev Şıxbala Gülbala
oğlu 1910-cu il, qaynatası
Mikayılov Gülbala Zəki oğlu - 1872-ci il təvəlüdlü. Qaynı Zəkiyev Mirbaba
Gülbala oğlu (1923) 17 mart 1942-ci ildə Qızıl Ordu sıralarına səfərbər
edilmiş, 23 sentyabr 1942-ci ildə 32-ci atıcı diviziyasının Hərbi Tribunalı
tərəfindən düşmən tərəfə keçdiyinə görə güllələnməyə məhkum edilmişdir.
Zəkiyeva Xansənəm İdris qızı SSRİ XDİK-nin qərarına əsasən Azərbaycan SSR
CM-nin 63-3-cü maddələri ilə təqsirli bilinərək 6 fevral 1943-cü ildə vətən
xaininin ailə üzvü kimi repressiyaya məruz qalmış, qaynı Qızıl Orduda
yaralandığına görə işinə xitam verilmişdir.
|
|
|
|
Züleyxa
Məhərrəm qızı
|
|
1872-ci ildə Nuxa rayonunun Oxut kəndində anadan
olmuşdur. Ailə tərkibi: oğlanları Qurban Əhməd oğlu 40 yaş, Məhərrəm - 18
yaşında, 30-cu illərdə üsyanın iştirakçısı kimi həbs edilmişdir. Züleyxa
Məhərrəm qızı Azərbaycan SSR CM-nin 18/79 maddəleri ilə təqsirli bilinərək
Azərbaycan Dövlət Siyasi İdarəsi Nuxa Rayon Şöbəsi tərəfindən təqsirli
bilinərək 19 iyul 1932-ci il tarixdə həbs olunmuşdur. Azərbaycan Dövlət
Siyasi İdarəsi Nuxa Şehər Şöbəsinin 20 oktyabr 1932-ci il qərarına əsasən
Züleyxa Məhərrəm qızının əməlində cinayət tərkibi olmadığı üçün işinə xitam
verilmişdir.
|
|
|
|
Zülfüqarova Ayna Bala qızı
|
|
1878-ci ildə Quba rayonunun Çiçi kəndində anadan olmuşdur.
Ailə tərkibi: oğlu Müzəffər İbrahim oğlu 1941-ci ilin sentyabrında Qızıl
Orduya çağırılıb. 4 mart 1942-ci ildə Primorsk Ordusunun Hərbi Tribunalının
XDİK Quba rayon şöbəsinə 778-ci atıcı alayının keçmiş əsgəri Zülfüqarov
Müzəffər İbrahimin güllələnməsi haqqında cinayət işi daxil olmuşdur.
Zülfüqarova Ayna Bala qızı vətən xaininin anası kimi 30 oktyabr 1942-ci ildə
Azerbaycan SSR CM-nin 63-3-cü maddələrinin II hissəsi ilə təqsirləndirilib.
SSRİ XDİK Xüsusi Müşavirəsinin 11 iyul 1942-ci il qərarına əsasən vətən
xaininin anası kimi 5 il müddətinə Qazaxstana sürgün edilmişdir. Azərbaycan
SSR Prokurorluğunun 24 iyul 1946-cı il rəyinə əsasən göstərilmişdir ki,
Zülfüqarova Ayna Bala qızı 27 iyul 1946-cı il cəzasının qalan hissəsini
yaşadığı Quba rayonunun Çiçi kəndində çəksin. Azərbaycan SSR Prokurorluğunun
19 noyabr 1990-cı il rəyinə əsasən Zülfüqarova Ayna Bala qızına bəraət
verilmişdir.
|
|
|
|
Zülfüqarova Zeynəb Nadir qızı
|
|
1911-ci ildə Əmircan kəndində anadan olmuş, Bakı
şəhəri, Əmircan kəndi, 9 yanvar küçəsi 37, ev 22 (Sabunçu rayonu, Vasif Dadaş
küçəsi) ünvanında yaşamışdır. Ailə tərkibi: oğlu Alik - 2 yaşında. Həyat
yoldaşı Zülfüqarov Məmməd İsa oğlu 03.01.1938-ci il tarixdə Azərbaycan SSR
Ali Məhkəmənin Hərbi Kollegiyası tərəfindən əksinqilabi-millətçi teşkilatının
fəal iştirakçısı olduğu üçün tutulmuşdur. Zülfüqarova Zeynəb Nadir qızı XDİK
Xüsusi Müşavirəsinin 05.10.1937-ci il tarixli qərarına əsasən vətən xaininin
həyat yoldaşı kimi təqsirli bilinərək 09.04.1938-ci il tarixdə cəzasını
İslah-Əmək Düşərgəsində çəkməklə 3 il müddətinə azadlıqdan məhrum edilmişdir.
Azərbaycan SSR Ali Məhkəmənin Cinayət İşləri üzrə Məhkəmə Kollegiyasının
22.02.1956-cı il tarixli qərarına əsasən Zülfüqarova Zeynəb Nadir qızına
bəraət verilmişdir.
|
|
GENDER DİREKTORİYASI
|
Gender direktoriyası - qadın və gender məsələlərinə cəlb edilmiş bütün milli strukturlar üzrə verilənlər bankıdır: dövlət strukturları, milli parlament, biznes sektoru, KİV-lər, beynəlxalq təşkilatlar, diplomatik korpuslar, hüquq müdafiəçiləri, yazıçılar, şairlər, rəssamlar və s. Diqqət: direktoriya linklər vasitəsilə qadın QHT-lərin verilənlər bazası, gender layihələrini yerinə yetirən QHT-lərin verilənlər bankı, gender fənləri üzrə tədqiqatçıların və müəllimlərin verilənlər bankı ilə əlaqədardır.
|
|