Fərhad Məcid oğlu Hacıyev
Hacıyev Fərhad 1980-ci ildə Sumqayıt şəhərində anadan olub.
1995-ci ildə Azərbaycan Universitetinə daxil olmuş, 1999-cu ildə həmin universitetin Beynəlxalq münasibətlər ixtisasının bakalavr pilləsini fərqlənmə diplomu ilə bitirmişdir. 1999 - 2001-ci illərdə Azərbaycan Universitetində Beynəlxalq münasibətlər ixtisası üzrə magistr pilləsi üzrə təhsil alaraq həmin pilləni də fərqlənmə diplomu ilə bitirmişdir. 2005-ci ildə Azərbaycan İqtisad Universitetinə daxil olmuş, 2007-ci illdə həmin universitetin “İqtisadiyyat və idarəetmə” istiqamətinin maliyyə ixtisası üzrə magistr pilləsini fərqlənmə diplomu ilə bitirmişdir. 2008-ci ildə Harvard Universitetində hökümətdə çalışan yüksək rütbəli məmurlar üçün kursu bitirmişəm. 2013-cü ildə fəlsəfə doktoru elmi dərəcəsinə yiyələnmişdir.
2000-2001-ci illərdə Azərbaycan Respublikası Gənclər Təşkilatları Milli Şurasının şöbə müdiri, məclis sədri, baş katibi vəzifələrində işləmişdir. 2001-ci ildə Azərbaycan Respublikası Gənclər, İdman və Turizm Nazirliyində bölmə müdiri vəzifəsində, 2002-2011-ci illərdə bölmə müdiri vəzifəsində işləmişdir. 2011-2018 - ci illərdə Azərbaycan Respublikası Prezidenti yanında Gənclər Fondunun icraçı direktoru vəzifəsində işləmişdir. 2018-ci ildə Azərbaycan Respublikası Prezidentinin Sərəncamı ilə Azərbaycan Respublikası gənclər və idman nazirinin müavini vəzifəsinə təyin edilmişdir.
Azərbaycan Respublikası Prezidentinin Sərəncamları ilə 2011-ci ildə “Dövlət qulluğunda fərqlənməyə görə” medalı, 2015-ci ildə “Azərbaycan Respublikası Prezidentinin fəxri diplomu" ilə, 24 iyul 2019-cu ildə 3-cü dərəcəli “Vətənə xidmətə görə” ordeni ilə təltif edilmişdir.
Ailəlidir.