聲援烏克蘭！史浩克搣走俄羅斯公司心口贊助

足球博彩神器，每日重心提供盡在《彩報》：http://win.on.cc/football/

為聲援烏克蘭抵抗俄羅斯入侵，德乙球隊史浩克04決定除走波衫上，印有俄羅斯天然氣公司Gazprom嘅贊助標誌。

因應俄羅斯舉軍入侵烏克蘭領土，德乙球隊史浩克04作出行動，控訴俄羅斯嘅行為。據記者Fabrizio Romano透露，史浩克已表明會立即除走波衫上印有俄羅斯天然氣公司Gazprom嘅贊助標誌，而呢間公司目前係由俄羅斯政府所持有。

此外，歐洲足協周五（25日）召開緊急會議，商談將今屆歐聯決賽比賽場地由俄羅斯移師英格蘭。而Gazprom目前亦係歐聯嘅贊助商之一，據悉歐洲足協已受到壓力，被要求終止同呢間俄羅斯企業合作，以控訴俄羅斯嘅行為。