拒性感示人 「電波少女」梁雪湄恨再拍劇

20180108
東網電視
更多新聞短片
梁雪湄指自己一直有拍嘢,做旅遊Blogger。
G奶「電波少女」梁雪湄到亞視錄影《百萬富翁》,被問到是否計劃全面復出幕前,她說:「其實我一路有拍嘢,我有個旅遊Blog,間中我都要拍啲嘢放上去,舊年去咗17個唔同地方,有啲唔係香港人經常去嘅,我去就係為咗介紹畀人知,呢啲地方都好安全,好值得去!除咗做旅遊Blog,我亦都有夾份投資做冰室生意,但嚟近我都想拍吓劇,只要拍攝日子唔好咁長、咁困身,畀到我可以繼續做旅遊Blog就OK!(想返娘家TVB拍劇?)其實邊間電視台都唔緊要,好嘅劇可以係由唔同嘅電視台拍出嚟啫!」
梁雪湄被問到會否再以性感形象示人,她說:「唔啦,依家着三點式都可能被人覺得唔算性感。(因為要向另一半交代,所以要戒性感?)我依家有拍拖,但都唔係呢個原因,而係依家大把女仔性感,以前着一件頭都已經被人覺得性感,依家睇法已經唔同晒,況且我都唔會依家至嚟性感!」