Ўзбекистон делегацияси Парижда Биринчи жаҳон уруши якунланганининг 100 йиллиги муносабати билан ўтадиган маросимларда иштирок этади

Ўзбекистон делегацияси Францияда Биринчи жаҳон уруши якунланганининг 100 йиллиги муносабати билан ўтадиган маросимларда иштирок этади. Бу ҳақда Sputnik маълум қилди.

Асосий тадбирлар 11 ноябрь куни Парижнинг «Зафарлар аркаси» яқинида бўлиб ўтади. Ўзбекистон делегациясига Олий Мажлис Сенатининг раиси Ниғматилла Йўлдошев бошчилик қилади.

Маросимларда 120 дан ортиқ давлат раҳбарлари ва юқори мартабали меҳмонлар, БМТ ва Европа Иттифоқи вакиллари иштирок этиши кутилмоқда.

Шу куннинг ўзида Париж тинчлик форуми ўз ишини бошлайди.