کب

1-مايي، ماهي، د سړو وينو لرونکو د سترګروپ هره عضوه چې په اوبو کې اوسي، فقاريه ژوی دی او د برانشيو په واسطه سا باسي. د کب وجود د فلس څخه پټ دی. سترګې يې مسطح شکله او خوله يې ازاده غوندې ده. خورا زيات ډولونه لري. معمولي ډولونه يې هغه دي چې د کورو په حوضو کې اوسي، سره، طلايي او نقره يې رنګونه لري. ((خاويار)) يې تر پنځو مترو اوږد دی. ښځه يې تر درو مليونو دانو پورې هګۍ اچوي. د نړۍ ډېر لوی کب پياروکو نومېږي چې تر ٦ مترو لا اوږد دی او په سلګونو کيلو دروند دی. کبان د خپلو وزرو په مرسته لامبو وهي. غوښه يې د انسانانو غذا ده. ځينې خلک يې وريتوي، ځينې يې د وريجو سره بټه کوي او ځينې يې وچوي. کب پروټين، منرالونه او د (اې) او (ډي) ويټامينونه لري: زه غريق د خپلو اوښکو په درياب يم - بيا په دا درياب کې تږی لکه کب (احمدشاه بابا)؛ - د کب مصغر کبوړۍ دی2-حوت، د حوت برج، د حوت مياشت؛ د شمسي کال وروستۍ مياشت، د سلواغۍ (دلو) او وری (حمل) تر منځ مياشت چې کله ٣٠ او کله ٢٩ ورځې وي3-مج. څوک چې د اوبو سره ډېر سرو کار لري، برېښنا لرونکی کب: برقي ماهي، يو ډول ماهي دی چې بدن يې اوار او پوست يې صاف دی. اوږده يې يو متر دی. د هګۍ اچولو پر ځای د زيږونې عمل اجرا کوي. په بدن کې خاصه دستګاه لري چې برق توليدوي. که څوک لاس وروړی سخت يې لړزوي4-د کب غوښه چې د غذا په توګه خوړله کېږي5-مج. څوک چې په اسانه د چا په لاس نه ورځي6-ماهي ته ورته شی.