蒙古國
出自維基百科,自由嘅百科全書
今日個蒙古國係指外蒙古,但實際上「蒙古」係應該包括埋內蒙古。分別在於:蒙古高原北半部係外蒙古,南半部就係內蒙古。
歷史[編輯]
蒙古人自古以嚟就係中國嘅外族。喺十三世紀成吉思汗橫掃歐亞以嚟,蒙古人嘅帝國曾經係世界最大嘅,面積甚至雒大過而家嘅俄羅斯。清朝嗰陣,蒙古人同清朝政治有密切關係。
喺1912年民國成立之前,外蒙古已經脫離大清帝國而獨立。1924年,外蒙古喺蘇聯支持底下,成立「蒙古人民共和國」。
地理[編輯]
蒙古國係內陸國家,大部分都係山地或者高原,平均海拔1600米。西面有好多湖。因為係內陸國家,氣候冇咁好,夏天比較乾燥,冬天重長過夏天,係亞洲大陸寒流嘅發源地之一。
人口[編輯]
蒙古94.9%人口係蒙古族,少數民族主要係哈薩克人。佢亦都係世界人口密度最低嘅國家之一,平均每平方公里得1.91人。蒙古近一半人口都住喺首都烏蘭巴托。
根據2000年人口普查,蒙古有三分之二人口年齡唔夠30歲,36%人口年齡唔夠14歲。
經濟[編輯]
蒙古國因為係內陸國家,基建好少,所以經濟冇咁發達。傳統上佢係靠畜牧業食飯,養牛、羊、馬等等。至於工業亦都只係畜牧業加工製品。
蒙古嘅出口有68.4%係到中國(2006年),而進口除咗中國之外,仲有俄羅斯。
|