Alnus

Alnus
Alnus glutinosa
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fagales Familia: Betulaceae Chenero: Alnus

Os albernices (scientificament, o chenero Alnus) son un chenero d'árbols de fuella caduca en a familia d'as Betulaceae.

O chenero contiene arredol d'una trentena d'especies d'árbols y arbustos con destribución monoica d'os sexos (ixo ye, que cada eixemplar produce flors d'os dos sexos) anque la més gran parte d'os eixemplars no gosan arribar dica la mida d'árbols. As especies que se clasefican en o chenero Alnus, a la contra d'el que en altros cheneros emparentatos pasa, como Carpinus (os carpins) u Corylus (as avellaneras), no se troban so que en l'hemisferio norte si que puede trobar-sen en tot o planeta. En a Peninsula Iberica no se troba so que la especie Alnus glutinosa, l'alberniz europeu.

En Aragón, as especies d'este chenero se conoixen como "albernices", anque o lexicografo y naturalista semontanés Rafel Vidaller diz en o suyo libro O Libro d'as Matas y os Animals (Zaragoza, 2004) que se conoix una variant d'o termino latín «alnus» como «alno» y dica «auno», anque ixa cita la fa d'un altro autor anterior sin poder-se-ne dar garra lugar de procedencia d'ixa forma tan peculiar. A denominación en aragonés alberniz puet estar en relación con a denominación en catalán ye vern, que se deriva dreitament d'o galo vernos.

Especies

• Alnus alnobetula (Ehrh.) K.Koch
• Alnus cordata (Loisel.) Duby
• Alnus × elliptica Req.
• Alnus × fallacina
• Alnus glutinosa
• Alnus incana
• Alnus japonica (Thunb.) Steud.
• Alnus maritima
• Alnus nepalensis
• Alnus oblongifolia
• Alnus × pubescens Tausch
• Alnus rhombifolia
• Alnus rubra
• Alnus serrulata
• Alnus × spathii Callier
• Alnus subcordata C.A.Mey.
• Alnus viridis

Vinclos externos

• Biquiespecies tiene un articlo sobre Alnus.
• Se veigan as imáchens de Commons sobre os albernices.