「你係全世界最衰嘅大佬，但係，我原諒你!」幸虧有鹹豬手機長Bass貢獻寶貴的祠堂，令夏晨同夏陽兩兄妹，喺前晚一集，終於和好了。
呢場戲，真係好催淚。特別係Captain Cool回憶小時，有爸爸媽媽同妹妹，一齊去公園玩的情景，佢話:「雖然呢個畫面只係出現過一次，但已經足夠令我知道，一個完整嘅家庭嘅力量係幾咁大…」講完之後，哽咽了。頓了一頓，再話:「好多人都以為我顧夏陽好風光，好風流，但係如果可以選擇嘅話，我願意用我嘅一切，去換取我哋一家人，再可以齊齊整整喺埋一齊。夏晨，如果你真係唔肯原諒哥哥嘅話，OK，我明白，但我真係希望你聽我講一句，對唔住，我令你失望。」兩兄妹都流下眼淚了。
杏兒之後喺微博分享番拍嗰場戲嘅點滴，寫道:「嘻嘻，其實這也是整部劇中我非常喜歡的其中一場戲，這場戲也是單機拍攝的，謝謝阿哥和監制先讓我完成了我那邊的部份，阿哥的那段獨白真的讓我完全進入狀態，那一刻，我就是顧夏陽的妹妹顧夏晨，我們終於和好了，謝謝你阿哥！」
唔少人都盛讚兩兄妹演出感人，杏兒演技亦無負視后之名。不過，「囧囧」樣，依然，一不留心，一激動，又偷偷走咗出嚟喇。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
