Vegarfi (Cerastium fontanum)
Útbreiðsla
Algengur bæði við ræktað land heima við bæi og í mólendi. Hann er mest frá láglendi upp í 500 m hæð en finnst allt upp í 800 m (Hörður Kristinsson - floraislands.is).
Búsvæði
Mólendi, flög, vegkantar og hlaðvarpar.
Lýsing
Fremur lágvaxin jurt (10–30 sm), hærð, með fremur smáum, gagnstæðum blöðum. Blómstrar hvítum blómum í maí–júní.
Blað
Blöðin gagnstæð, aflöng, snubbótt í endann, 10–20 mm löng (Hörður Kristinsson 1998).
Blóm
Blómin eru 5–8 mm í þvermál. Krónublöðin hvít, með skerðingu í endann, álíka löng eða lítið eitt lengri en bikarblöðin sem eru odddregin og himnurend, hærð. Fræflar tíu, frævan ein, oftast með fimm stílum (Hörður Kristinsson 1998).
Aldin
Tannhýði með tíu tönnum (Hörður Kristinsson 1998).
Greining
Hann líkist nokkuð músareyra en krónublöðin eru hlutfallslega styttri miðað við bikarblöðin. Auk þess er hann oftast minna loðinn.
Höfundur
Was the content helpful? Aftur upp
Takk fyrir!