Alþingiskosningar 2021
Kosið verður til Alþingis laugardaginn 25. september 2021 í samræmi við forsetabréf um þingrof og almennar kosningar frá 12. ágúst sl.Leiðbeiningar um framboð
Almennar leiðbeiningar um framboð við kosningar til Alþingis.
Mörk kjördæmanna í Reykjavík
Landskjörstjórn auglýsti 27. ágúst 2021 mörk norður- og suðurkjördæma í Reykjavík í Stjórnartíðindum, sbr. 1. mgr. 7. gr. laga nr. 24/2000, um kosningar til Alþingis.
Skipting þingsæta milli kjördæma
Um fjölda þingsæta og skiptingu þeirra er fjallað í 8. gr. kosningalaga, sbr. auglýsingu landskjörstjórnar nr. 944/2017, útreikninga sem liggja til grundvallar má finna í tilkynningu landskjörstjórnar frá 9. nóvember 2017. Þingsæti eru 63, þar af eru kjördæmissæti 54 og jöfnunarsæti 9. Þau skiptast þannig milli kjördæma:
Kjördæmi | Þingsæti | Kjördæmissæti | Jöfnunarsæti |
Norðvesturkjördæmi | 8 | 7 | 1 |
Norðausturkjördæmi | 10 | 9 | 1 |
Suðurkjördæmi | 10 | 9 | 1 |
Suðvesturkjördæmi | 13 | 11 | 2 |
Reykjavíkurkjördæmi suður | 11 | 9 | 2 |
Reykjavíkurkjördæmi norður | 11 | 9 | 2 |